VOV4.Sêdang - Khu kăn pêi dêi hnoăng cheăng dêi Tíu xiâm Đảng xua pôa Trần Quốc Vượng, kăn cheăng tung tíu xiâm tơdroăng kal kí, kăn xiâm pơkuâ Vi [an séa ngăn Tơnêi têa pơkuâ djâ hiăng ai rôh pêi cheăng [ă kăn pơkuâ kong pơlê Lâm Đồng ‘na tơdroăng mơnhông mơdêk cheăng kâ rêh ối pơlê pơla, kring pơlê pơla, mơjiâng troăng hơlâ kal kí, hnoăng cheăng séa ngăn, pơxâu phâk Đảng, hbrâ mơdât kâ kơluâ kâ kơhveăm liăn ngân, mơ’hrê liăn ngân tê kơtê.

Pôa Trần Quốc Vượng pêi cheăng [ă khu kăn Đảng kong pơlê Lâm Đồng

Xông tơpui a rôh pêi cheăng, poâ Trần Quốc Vượng tối rơdêi, Lâm Đồng hiăng tối tơbleăng châ tơ-[rê mâu tơdroăng pơkâ dêi Đảng, mâu tơdroăng ki pêi tơkâ luâ tâng pơchông [ă pơkâ tơdjuôm dêi lâp tơnêi têa. Sôk ro má môi cho tơdroăng ki pêi chiâk pêi deăng châ 165 rơtuh liăn/ha/hơnăm, kơvâ ôm hyô tơ’mot hên ngế tơmối. Lâm Đồng hiăng pêi pro tro hnoăng cheăng pơkâ kăn [o# pơkuâ, rak ngăn rêm râ, hnoăng cheăng mơjiâng Đảng, pêi pro tro hnoăng cheăng séa ngăn. Tung la ngiâ, kong pơlê Lâm Đồng kal tơku\m tối tơbleăng châ tơ-[rê mâu tơdroăng ki hiăng ai hlâu, ki pơxúa dêi kong pơlê, tung mê tơtro\ng mơnhông mơdêk cheăng kâ xúa kơmăi kơmok chal nếo, pêi pro túa pơkâ mơjiâng kơpho#, rak vế mâu tơdroăng ki le\m khôi túa le\m tro phá xêh dêi Đà Lạt.

Katarina Nga tơplôu [ă tơbleăng