A Hneăng hôp, Ngế pro xiâm hnê ngăn tơnêi têa tối nhên, Tơdroăng tơkêa bro “Mơnhông krá tơniăn môi rơtuh hectar báu pêt to báu ki dâi lĕm, mơ’no trếo ‘mêi lo pa kong iâ ƀă tơtêk krúa lĕm kong prâi kơpong tơbăng kroăng Cửu Long troh a hơnăm 2030” châ Ngế pro xiâm hnê ngăn Chin phuh kĭ a khế 11/2023 troh nôkố hiăng pêi pro châ 01 hơnăm.

Kố cho Tơdroăng tơkêa bro ki kơnâ ƀă kuăn pơlê pêi chiâk deăng kơpong Tơbăng kroăng Cửu Long troh a hơnăm 2030’’ châ Ngế pro xiâm hnê ngăn Chin phuh kĭ a khế 11/2023 troh nôkố hiăng pêi pro châ vâ chê 1 hơnăm. Kố cho tơdroăng tơkêa bro kơnía  ƀă kuăn pơlê pêi chiâk deăng kơpong Tơbăng kroăng Cửu Long, ƀă kơvâ báu phái ƀă hnoăng cheăng hbrâ ví kong prâi pro hơ’lêh, tơmiât troh pơkâ rak tơniăn drêng kong prâi pro ôh tá tơniăn, kơdroh mơ’no trếo ‘mêi lo pa kong hngêi nhĕng, djâ kơlo mơ’no trếo ‘mêi lo pa kong vêh a ‘’0’’ tiô tro tơkêa dêi Việt Nam a Hneăng hôp COP26.

A hneăng hôp kố, Ngế pro xiâm hnê ngăn tơnêi têa pơkâ thế mâu kăn teăng mâ tơkŭm tuăn ngôa rơkê, ivá; tơbleăng mơ-éa chêh tơbleăng, xông tơpui ‘nâng ‘nâi, tơpui inhên, prôk tơdrăng tung tơdroăng; pơkâ mơ’no mâu hnoăng cheăng, troăng vâ tơkŭm pêi pro tung la ngiâ vâ châ mâu pơkâ mơ’no; tơniăn troăng pêi, ki dâi lĕm dêi Hneăng hôp.