VOV4.Xơ Đăng – Mâu tơdroăng nếo ai tung tơnêi têa pin ƀă kong têa ê:
-Pôa Phạm Minh Chính, Ngế pro xiâm hnê ngăn Chin phuh trâm mâ tơpui tơno ƀă pôa Thongloun Sisoulith, Kăn xiâm pơkuâ hnê ngăn Đảng, Kăn xiâm hnê ngăn tơnêi têa.
-Pôa Trần Thanh Mẫn, Kăn xiâm hnê ngăn Kuô̆k hô̆i kĭ tơbleăng mâu Pơkâ dêi Vi ƀan pơkuâ Kuô̆k hô̆i ‘na pro ăm tro mâu kơ koan pơkuâ tơnêi têa râ tơring, râ cheăm hneăng hơnăm 2023 – 2025 ăm 13 kong pơlê, pơlê kong kơdrâm.
-Dak Lak hôp tơpui pêi pro Luât Tơnêi tơníu 2024 ƀă ƀăng deăng tơnêi ai xiâm kối pêi chiâk deăng, pêt kong.
-Hneăng hôp khu râ kăn xiâm ASEAN roh má 44, 45 tơbleăng ăm pêi pro ƀă mơnhên dâng 80 mơ-éa ki kal ‘na hên tơdroăng kơjo, kơvâ tơrŭm cheăng.
-Singapore, Hàn Quốc môi tuăn mơdêk tơrŭm cheăng to Khu tơrŭm cheăng ton xŏn a hơnăm 2025.