VOV4.Sêdang - Khu xiâm pơkuâ ngăn Đảng nếo mơ’no tơdroăng pơkâ kơxo# 36 ‘na Troăng hơlâ vâ mơnhông tơnăng ká, pêi cheăng kâ a têa kơx^ Việt Nam troh a hơnăm 2030 ah, troăng hơlâ vâ pêi pro troh a hơnăm 2045 ah nếo.

Ki xiâm dêi hnoăng cheăng ton xo\n kố cho mơdêk Việt Nam chiâng môi kong têa ki tơnăng ká xixo\ng ki ó rơdêi; kho\m châ pêi tiô túa hnoăng cheăng ki tơtro [ă tơdroăng ki mơnhông ‘na cheăng kâ kơnôm ing têa kơx^; mơjiâng pro mâu kong kế, kroăng têa ki krúa le\m dêi têa kơx^; hbrâ rơnáu ăm tơdroăng ki kring vế têa kơx^ tơtro [ă tơdroăng ki hơ’lêh dêi hyôh kong prâi, têa kơx^ kân đik; mơdât tơdroăng ki pro ‘mêi troh têa kơx^, ki pro tơ’nhê tơdroăng krúa le\m dêi kơpong têa kơx^, tơdroăng ki tơnêi prêi tơhnah tơhnâp k^ng têa kơx^ [ă têa xăng po lâm mot; ‘mâi rơnêu [ă kring vế mâu kroăng têa, nhâ loăng ki kal. Mâu hnoăng cheăng khoa hok ki nếo, rơkê ple\ng, tơxâng [ă chal nếo hiăng chiâng ki xiâm mơdêk tơdroăng pêi cheăng kâ, tơnăng ká xixo\ng a têa kơx^.

Túa cheăng hbeăng ngăn troh a hơnăm 2045, Việt Nam chiâng môi tơnêi têa ki ó rơdêi ‘na têa kơx^, mơnhông krá kâk, kro mơdro\ng, tơniăn, hmiân le\m; tơdroăng pêi cheăng kâ a têa kơx^ veăng kum mơdêk pêi lo liăn hên ăm tơdroăng pêi cheăng kâ ki kal dêi tơnêi têa, veăng mơjiâng tơnêi têa pin chiâng tơnêi têa ki pêi cheăng [ă kơmăi kơmok tơtro tiô chal nếo, prôk tiô troăng hơlâ xah ho#i chuh ngiah; veăng kum vâ ai hnoăng cheăng tung mâu tơdroăng cheăng kal dêi lâp plâi tơnêi [ă tung kơpong ‘na têa kơx^ [ă tâ tá tơnêi tơníu dêi têa kơx^.

Nhat Lisa tơplôu [ă tơbleăng