Hên hơnăm kố, klêi kơ’nâi pơtê leh Têt mâu vâi o hok tro sap ing lâm 6 troh lâm 9 dêi hngêi trung râ má péa Chu Văn An, cheăm Yang Tao, tơring Lak pơtối pơtê hriâm. Laga hơnăm kố, tơdroăng kố hiăng ôh tá ai xếo. Mâu lâm đi đo ai mâ hok tro lối 95%. Hên lâm mâu vâi o hok tro troh hriâm tu\m.

O Rcăm H’Nari Mlô, hok tro lâm 9B, hngêi trung râ má péa Chu Văn An, cheăm Yang Tao, tơring Lak hơ’muăn: Hâi Têt mâu pú hmâ brôk dêi pó lăm pêi cheăng laga hên pú hmâ ôh tá tơmâng, pơtối lăm hriâm. Xua hdrối mê, hên pú hmâ tung pơlê pơtê hriâm lăm pêi cheăng a pơlê kong kân Hồ Chí Minh veăng pêi cheăng vâi, laga tơdroăng cheăng tơbrêi tơbrêh laga liăn khế iâ.

‘’Hngêi trung xuân pơtâng tối lăm pêi cheăng a Sài Gon liăn bu iâ, la tro vâi mơ’nêa. Tâng châ lăm hriâm a hngêi trung hnê tăng cheăng, ing mê kum ăm mâu hok tro hriâm rơkê tâ [a\ la ngiâ ai cheăng pêi tơniăn tâ’’.

Hok tro hngêi trung râ má péa Chu Văn An pơtối troh hriâm klêi kơ’nâi rơnó pơtê Têt

Tiô cô Lê Thị Hợi, cô pơkuâ lâm 9B, hngêi trung râ má péa Chu Văn An tối, ki hên mâu vâi o hok tro lâm 8, lâm 9 hmâ tro pơlông lôi pơtê hriâm lăm pêi cheăng vâi lơ ối a hngêi xo kơnốu, xo kơdrâi. ‘Nâi hiâm mơno mâu vâi o xua mê thái cô đi đo hbrâ pơkâ vâ re\ng mơhnhôk mâu vâi o pơtối troh hriâm a lâm.

‘’Nôu pâ hok tro rơtế thái cô pói vâ kuăn tơná châ lăm hriâm, laga krê hok tro drêng tro pơlông djâ drêng trâm thái cô mê hmuâ lơ lăm hdâ u ê. Tâng thái cô ôh tá mơ-eăm mê kô ôh tá châ trâm hok tro. Krê hơnăm kố [a\ péa hơnăm achê kố tơdroăng hok tro lôi pơtê hriâm lăm pêi cheăng a Sài Gòn kơdroh hên’’.

Hngêi trung râ má péa Chu Văn An nôkố ai 420 ngế hok tro, tung mê 97% cho hok tro mơngế M’nông. Tiô xêo ngăn dêi hngêi trung sap hơnăm hriâm 2015 troh 2018, tâi tâng hngêi trung ai 69 ngế o hok tro lâm 6 troh lâm 9 lôi pơtê hriâm lăm pêi cheăng kơ’nâi Têt. Pôa Đậu Đức Liên, Thái pơkuâ hngêi trung tối ăm ‘nâi, vâ kơdroh tơdroăng hok tro lôi pơtê hriâm lăm pêi cheăng kơ’nâi Têt, ahdrối [a\ tung Têt hngêi trung đi đo tơru\m krá tơniăn [a\ khu pơkuâ pơlê, krâ pơlê, mâu ngế ki kuăn pơlê nhuo#m pâ loi tơngah vâ ‘nâi tơdroăng dêi mâu vâi o.

‘’Thái cô pơkuâ lâm rêm hâi thế tơbleăng tơdroăng hok tro vâ ‘nâi [a\ chu pơtâng tối mơhnhôk. Tâng ai hok tro pơtê hriâm lăm pêi cheăng kâ hơngế thế tơbleăng teăm tơdrêng Khu thái pơkuâ hngêi trung. Tâng hok tro ki lâi chu lăm mơhnhôk trâm nôu pâ [a\ hok tro tá hâi hlê ple\ng, lơ xuân kho\m vâ prôk, hngêi trung kô re\ng pơtroh inâi kơnôm Đảng ủy, Vi [an cheăm hnê mơhno ko\ng an troh a tơraih rơxế vâ mơhnhôk mâu vâi o. Troh nôkố môi tiah hơnăm kố kơxo# hok tro pơtê hriâm lăm pêi cheăng bu iâ’’.

Pak^ng hngêi trung râ má péa Chu Văn An mê hên hngêi trung hriâm ki ê a tơring Lak xuân pơtối pơtroh thái cô chu a mâu thôn, pơlê ti tăng ple\ng xiâm kối mâu vâi o tá hâi troh hriâm klêi kơ’nâi Têt. Pôa Nguyễn Ngọc Thịnh – Kăn pơkuâ [ơrô Hnê hriâm [a\ hnê mơjiâng tơdroăng rơkê tơring Lak mơnhên tối: Tiô xêo ngăn dêi mâu hngêi trung pơtroh mê nôkố tá hâi ai hok tro ki lâi pơtê hriâm lăm pêi cheăng a mâu kong pơlê pakong. {ơrô hiăng hnê mơhno mâu hngêi trung pơtối séa ngăn hok tro hngêi trung dêi tơná vâ mơhnhôk mâu vâi o troh hriâm a hngêi trung.

‘’Kơvâ Hnê hriâm [a\ hnê mơjiâng tơdroăng rơkê tơring Lak hiăng mơjiâng Khu hbrâ mơdât lôi pơtê hriâm [a\ ối lăi lâm. Tơbleăng ăm Vi [an tơring, khu râ kăn pơkuâ Đảng tơring chêh mơ-éa pơkâ troh a cheăm. Hơnăm kố tơdroăng hok tro lôi pơtê hriâm tơdế ki má lối klêi kơ’nâi Têt vâ lăm pêi cheăng a mâu kong pơlê ki pakong nôkố hiăng ôh tá ai xếo’’.

Tơdroăng hok tro đi đo lôi pơtê hriâm kơ’nâi Têt vâ lăm pêi cheăng kâ hơngế xua hdrối nah ai hên ngế ing pơlê kong kân Hồ Chí Minh troh pơlông djâ. Rơtế [a\ mâu rơpo\ng mâu vâi o hlê ple\ng tá hâi rơkê, xua mê kơtôa, ăm dêi kuăn pơtê hriâm vâ ti tăng liăn. Laga kơnôm tơdroăng pơtâng tối, mơhnhôk dêi kơvâ hnê hriâm, tơring Lak, kong pơlê Dak Lak hiăng châ tơ-[rê tung tơdroăng pơtối rak kơxo# hok tro kơpong hơngế hơngo.

Tuấn Anh chêh

A Sa Ly tơplôu [a\ tơbleăng