Koh tơdah rơnó Hơngui Kỷ Hợi tung môi toăng hngêi ki krá kâk, xua mô đo#i gak tơkăng kong dêi kong pơlê Dak Lak mơjiâng hngêi ki kơnâ châ lối 130 rơtuh liăn, Nôu Việt Nam khên tơnôu Nguyễn Thị Xuân ối a thôn 12, cheăm Ia Rvê [ă mâu ngế tung rơpo\ng hngêi bô bố xuân hâk ro, sôk suâ. Jâ tối ăm ‘nâi, pak^ng tơdroăng veăng kum, to\ng veăng hâi cheăng ki xuâ báu, krí plâi, mơjiâng hngêi nếo, mê rêm khế kăn [o#, khu lêng ối ‘no dêi liăn khế veăng kum ăm nôu 1 rơtuh 500 rơpâu liăn. Rêm hdroh hơ’lêh hyôh kong prâi, mê đông Gak tơkăng kong Ia Rvê pơrá ăm mâu [ok thái pơkeăng lêng lăm khăm pơlât [ă bruô pơkeăng ăm jâ.

‘’Akố, Mô đo#i gak tơkăng kong hiăng veăng kum ăm kế kâ đi đo, po mâu hâi leh mơd^ng, troh a Têt drêng vâi lăm pôu la lâi xuân ai kế tơmeăm. Kơnôm ai khu mô đo#i gak tơkăng kong veăng kum, mê á hiăng ai hngêi trăng ối tơniăn’’.

Kăn [o# đông Tơkăng kong Ia Rvê bruô tơmeăm ăm jâ Viêt Nam Khên tơnôu Nguyễn Thị Xuân

Rơpo\ng pôa Nguyễn Tấn Tài xuân lo ing kong pơlê Bến Tre troh a thon 8, cheăm Ia Rvê, tơring Ea Sup, kong pơlê Dak Lak tí tăng mơjiâng xêh tơdroăng cheăng, trâm hên xahpá. Vâ rơpo\ng hngêi ai tơ’nôm tơdroăng cheăng ki vâ mơdêk pêi cheăng kâ, mô đo#i gak tíu tơkăng kong dêi kong pơlê Dak Lak hiăng veăng kum môi to ro kơdrâi, kơnâ ai 10 rơtuh liăn. Pôa tối ăm ‘nâi, klêi kơ’nâi môi hơnăm tơdah xo ro păn rak, mê nôkố ro kơdrâi hiăng xiu [ă kô ai kuăn tung hơnăm nếo 2019.

‘’Mô đo#i gak tíu tơkăng kong hiăng veăng kum ăm á ro vâ păn, vâ la ngiâ kô chía tơ’lêi ai tơdroăng mơnhông mơdêk tâ iâ. Mê rơpo\ng á xuân hiăng loi tơngah ai ro ki kố rêm hơnăm kô ai tơdroăng hơ’lêh nếo, á xuân hâk mơnê kân ‘nâng’’.

Rơpo\ng pôa Tài hâk ro, sôk suâ drêng ro kơdrâi xua mô đo#i gak tíu tơkăng kong dêi kong pơlê Dak Lak bruô nôkố hiăng xiu

Tơdrêng [ă rơpo\ng pôa Tài, 27 rơpo\ng ki ê a Ia Rvê hiăng tơdah xo ro xua Mô đo#i gak tơkăng kong dêi kong pơlê Dak Lak to\ng kum. Khu ro mê hiăng chiâng dâi [ă pơxiâm ai kuăn.

Thie#u tă Trương Văn Hòang-Ngế kăn cheăng kal kí dêi đông gak tơkăng  kong đông Ia Rvê tối ăm ‘nâi, vâ tơdroăng tơru\m pơla lêng [ă kuăn pơlê thăm rế achê dêi pó, rak vế tơniăn tơdroăng tíu tơkăng kong, mê Đông gak tíu tơkăng kong Ia Rvê pơtối po rơdâ tơdroăng kum kuăn pơlê hdrê ro, hdrê pu pái, pơkâ túa ki hnê kuăn pơlê pêt plăng vâ xo têa rơmâ, ing mê, thăm mơnhông tơ-[rê ăm tơdroăng pêi cheăng kâ ăm kuăn pơlê.

Rêm khế khu kố hiăng ‘no 20 kg phái veăng kum ăm 2 rơpo\ng ki xahpá, kuăn tê; to\ng kum ăm 4 ngế vâi o hok tro kơtiê ki ai tơdroăng rêh ối xahpá [ă kơlo veăng kum ai 500 rơpâu liăn [ă hnối păn roăng, rak ngăn 2 ngế jâ nôu Việt Nam khên tơnôu [ă kơlo ki kum môi ngế ai 1 rơtuh 500 rơpâu liăn. Tơdrêng [ă tơdroăng veăng kum tung pêi chiâk pêi deăng, mê khu đông lêng kố ối veăng kum ăm vâi krâ-nho\ng o mơnhông tơdroăng pêi cheăng kâ klêi kơ’nâi kong mêi kân, têa lân luô, lơ tro on chếo kâ, pro hngêi trăng, krí xo dêi mâu plâi, ‘mâi rơnêu troăng prôk.

Drêng troh Rơnó Hơngui Kỷ Hợi, pák^ng pêi pro dêi hnoăng cheăng kring vế, gak ngăn tơniăn tíu tơkăng kong, mê đông gak tơkăng kong Ia Rvê ối tơru\m cheăng [ă Khu ngăn Đoân droh rơtăm tơku\m po tơdroăng ‘Rơnó Hơngui tíu tơkăng kong ki tơtô ăm kuăn pơlê’’ kơxuô kơ-[ăn tơxông ăm vâi o hok tro kơtiê ki rêh ối tung cheăm [ă lăm pôu, êng, bruô tơmeăm ăm mâu rơpo\ng ki ai troăng hơlâ [ă rơpo\ng ki xahpá a mâu thôn.

‘’A cheăm Ea Rvê tung mâu hâi hiăng luâ, mê đông hiăng tơru\m cheăng [ă khu râ Đảng, khu kăn pơkuâ, mâu lêng ki pro đông a kong pơlê rak vế, pêi pro le\m tro hnoăng cheăng ki tơplâ mơdât mâu khu ngế pro xôi, ki rơhêng vâ tối, cho kring vế tơniăn tơdroăng cheăng kal kí tung kong pơlê kố. Tơdroăng ki mơ’no pêi pro mâu troăng hơlâ to\ng kum kuăn pơlê mơnhông pêi cheăng kâ, hiăng veăng kum tơniăn ăm tơdroăng rêh kâ ối dêi kuăn pơlê a kơpong tíu tơkăng kong kố’’.

Tiô jâ Trần Lệ Thủy-Ngế pơkuâ Đảng ủy cheăm Ia Rvê tối, kơnôm ing tơdroăng to\ng kum dêi mô đo#i gak tíu tơkăng kong, mê tơdroăng rêh ối pêi cheăng kâ dê kuăn pơlê tung cheăm thăm rế châ mơdêk hên ‘nâng. Tơdroăng ki vâi krâ-nho\ng o ai xôi ‘na kring vế tơniăn tíu tơkăng kong xua ing pêi cheăng kâ ôh pá ai. Hnoăng cheăng kring vế tíu tơkăng kong châ rak ngăn tơniăn, thôn pơlê xuân hmiân tuăn tung pêi cheăng kâ, rêh ối.

‘’Tung hơnăm 2018, cheăm hiăng kơdroh châ 5,2% kơxo# rơpo\ng kơtiê, mê cho kơnôm ai tơru\m cheăng krá khât tung hnoăng veăng kum dêi Mô đo#i gak tíu tơkăng kong ‘na tơdroăng kum kuăn pơlê pơtối mơnhông pêi cheăng kâ’’.

Môi rơnó Hơngui ki nếo hiăng troh a kơpong tíu tơkăng kong dêi kong polê Dak Lak, kơnôm ing tơdroăng veăng kum krá tơniăn dêi khu lêng [ă kuăn pơlê kô kum ăm kơpong ki xahpá a Ia Rvê kố sôk ro kro niân tung hơnăm nếo.

Tuấn Anh chêh

Nhat Lisa tơplôu [ă tơbleăng