VOV4.Sêdang - A 12 chôu kơmăng lơ 28/2, mê a kơxo gâ hâi kố, peăng Triều Tiên kơdrâ tơku\m po hneăng hôp [ă khu chêh hlá tơbeăng tối pơtâng ‘na tơdroăng klêi trâm mâ, tơpui tơno pơla khu kăn xiâm dêi Mih [ă Triều Tiên a Hngêi hotel Melia, Hà Nội.

Pơkuâ xiâm hneăng hôp [ă khu chêh hlá tơbeăng mê cho pôa Ri Yong Ho, Ngế xiâm tơpui kâ kong têa Triều Tiên [ă jâ Cho Son-hui, Ngế xiâm pho\ tơpui kâ kong têa. Pôa Ri Yong Ho tối ăm ‘nâi, Triều Tiên hiăng mơ’no mâu tơdroăng ki pâ thế ki păng ‘nâng a hneăng hôp khu kăn xiâm roh kố, tung mê ai tá tơdroăng Triều Tiên tah lôi tâi tâng hngêi kơmăi mơjiâng trếo tik nik Yongbyon, kơnôm ai tơdroăng séa ngăn dêi Mih, hnó tơdroăng ki mê, peăng Mih kô tah lôi môi iâ tơdroăng pơxâu phak.

Maluâ ti mê, tung plâ hneăng hôp, Mih đi đo pơkâ tối tiah kố, Triều Tiên kal athế pêi pro tơdroăng cheăng ki apoăng, mê cho tah lôi tâi tâng tơdroăng mơjiâng trếo tik nik a Yongbyon vâ ing mê, pro kong têa ê tung lâp plâi tơnêi loi tơngah Triều Tiên cho tơdrăng khât.

Tơdroăng mê ki nhên ga ăm hlo, Mih tá hâi vâ môi tuăn [ă tơdroăng ki pói vâ dêi peăng Triều Tiên. Tiô pôa Ri Yong Ho tối, pá păng ‘nâng vâ khoh châ pro tơ’lêi ăm hnoăng cheăng tơpui tơno mê [ă Mih prế Triều Tiên, môi tiah hneăng trâm mâ, tơpui tơno a pơlê kong xiâm Hà Nội, [ă Triều Tiên kô rak vế krá tơniăn mâu tơdroăng ki tơná pói vâ tung mâu hneăng hôp [ă Mih a la ngiâ ah nếo.

Nhat Lisa tơplôu [ă tơbleăng