Troăng Trường Sơn Đông ki tơkâ luâ cheăm Chư Prao [ă Ea Lai dêi tơring MDrăk, kong pơlê Dak Lak xo\n ai dâng 20 km. Klêi kơ’nâi mơjiâng pro, troăng ki kố hiăng châ pơcháu ăm Khu xiâm ngăn ‘na troăng prôk kơxo# III xúa sap ing khế 9 hơnăm 2016.

Bú lối 1 hơnăm, ai hên tíu drô troăng hiăng trâu kơhlong kơhlăng, hiăng hên tíu tro tơ’nhê rơdâ châ 3 troh 4 met, trâu châ sap 10-15 cm, pro tơ’nhê hên a kơpêng troăng prôk, pro chiâng tơ’lêi ai tơdroăng tơklâm, kơtong rơxế.

Pôa Y Sơn Niê, hdroâng kuăn ngo Rơđế ối a [uôn Choah, cheăm Ea Lai, tơring MDrăk tối ăm ‘nâi, hdrối nah, drêng nếo pro klêi troăng ki kố, vâi krâ-nho\ng o hâk nâ păng ‘nâng, maluâ ti mê, tơdroăng ki hơniâp ro tá hâi teăm châ ton to lâi, mê troăng hiăng tro tơ’nhê ó khât, tơdroăng prôk lăm, pơto kế tơmeăm pêi lo ing chiâk deăng dêi vâi krâ-nho\ng o ối trâm hên xahpá.

‘’Hngêi á ai chiâk a kơpong kố nah, ai troăng ki ‘nâ nếo mơjiâng pro la nôkố ga hiăng tơ’nhê ó ‘nâng, to kơhlong kơhlăng hên ó pro tơdroăng prôk lăm dêi kuăn pơlê chiâng trâm pá puât. Tơdroăng ki chơ kế tơmeăm dêi vâi krâ-nho\ng o trâm hên xahpa ó tâ nếo drêng troh rơnó mêi hngêi ga to trâp, a rơnó tô mơdrăng to kơtâk kơlung kơlăng, pá vâ chiâng prôk lăm. Chôu phut kố á pâ thế tơnêi têa ‘mâi rơnêu troăng i tơniăn ăm kuăn pơlê’’.

Kuăn pơlê hêng hôu xua troăng ki kơnâ châ lối rơpâu rơtal liăn nếo mơjiâng la hiăng tơ’nhê

Troăng prôk hiăng tơ’nhê ó ti mê ôh tá xê to ai tơdjâk troh tơdroăng prôk lăm, lơ mâu tơdroăng ki pơto kế tơmeăm dêi kuăn pơlê mê ối pro ăm mâu rơxế ki kơtâu a drô troăng kố chiâng re\ng tơ’nhê há. Ngoh Lê Quốc Bảo, môi ngế vê rơxế pơto kế tơmeăm chiâk deăng pơla péa pâ sap ing Dak Lak troh a kong pơlê Phú Yên tối ăm ‘nâi:

‘’Troăng ki kố, hdrối nah nếo pơxiâm mơjiâng ga le\m ‘nâng, la dâng 1 hơnăm achê kố, troăng ki kố hiăng tro tơ’nhê ó khât. Hdrối nah, kơtâu ing Phú Yên troh a Dak Lak [ă prôk vêh nếo bu tâi dâng 30 phut, la nôkố kơtâu drô troăng kố ga ton tâ ai 2 hdroh, xua troăng tơ’nhê ó ‘nâng, ộh tá chiâng kơtâu re\ng. Tá xê to ton châ péa hdroh, mê tâng rơxế kơtâu a drô troăng kố ga hmâ pơtôu chêng rơxế xua ai hên tíu kơhlong kơhlăng’’.

Troăng Trường Sơn Đông tơkâ luâ Dak Lak nếo châ xúa la hiăng athế ‘mâi rơnêu

Khu ki mơjiâng pro Đ35 ối tung tơdroăng tơkêa bro troăng Trường Sơn Đông xua péa khu ki mơjiâng pro mê cho Khu tơru\m cheăng Ko\ng ti 789 [ă Ko\ng ti tơlo liăn cheăng 482, ối tung Ko\ng ti xiâm mơjiâng troăng prôk 4. Tâi tâng mâu troăng prôk châ mơjiâng pro tiô râ má 4 a kơpong kong ngo, a ro\ng troăng kân rơdâ 7 met tơdế, ngiâ troăng rơdâ 5 met tơdế; mơjiâng pro ngiâ troăng [ă [ê tông, chhá kơxu, mê ki hbo dêi ro\ng troăng châ lối 30cm [ă ki ê hía.

Pôa Nguyễn Tiến Dũng, Kăn [o# ngăn ‘na tơnêi dêi cheăm Ea Lai cho ngế ki veăng kum pêi hnoăng cheăng pro tơbăng tơnêi tíu [ă pơcháu tơnêi vâ pro troăng kố tối ăm ‘nâi, tiô túa ki pơkâ vê hdró, mơjiâng pro troăng tiah mê, la châ khât păng ‘nâng hlo troăng ki kố tơ’lêi tơ’nhê, tơkéa vâ tối tơdroăng tơkêa bro kố tá hâi teăm châ tơniăn. Pôa Nguyễn Tiến Dũng mơnhên tối:

‘’A cheăm Ea Lai ai 2 khu ki mơjiâng pro troăng. Khu Đ36 vâi pro [ă [ê-tông xơmong ga krá, kum kuăn pơlê châ tơ’lêi hlâu tung prôk lăm; khu Đ35 tôh [ă chhá kơxu, vâi mơjiâng tá hâi teăm châ 2 hơnăm la athế ‘mâi rơnêu đi đo, tơkéa vâ tối mâu tơmeăm khoăng ki vâi mơjiâng pro kố tá hâi teăm krá kâk. Troăng ‘mêi ga ai tơdjâk ó troh rơxế ki kơtâu a kố. Ngin ai tơmiât troăng prôk ki ai lối rơpâu rơtal liăn môi tiah kố, mê mâu khu ki mơjiâng pro tiô túa ti mê ga ôh tá khoh ôh ‘nâng, khu ki mơjiâng kal athế ‘mâi rơnêu dêi hnoăng cheăng pro troăng ăm i tơniăn, krá le\m tâ vâ kuăn pơlê tơ’lêi prôk lăm’’.

Tơdroăng ki nếo mơjiâng pro troăng tá hâi teăm ton la troăng hiăng tơ’nhê tá xê to tơdroăng ki hmâ hlo [ă khu Đ35 dêi tơdroăng tơkêa bro troăng Trường Sơn Đông tơkâ luâ kong pơlê Dak Lak, xua hdrối mê, a mâu tíu ki mơjiâng pro a mâu tơring peăng mâ hâi lo dêi kong pơlê Gia Lai xuân hiăng ai tơdroăng ki troăng tro tơ’nhê ó tiah mê.

Tuấn Long chêh

Nhat Lisa tơplôu [ă tơbleăng