VOV4.Sêdang - Tung pơla mâu tơdroăng cheăng pêi tiô khôi hmâ dế vâ hía lôi xua tơdjâk ing tơdroăng rêh ối túa nếo nôkố cheăm Ea Kao, pơlê kong kơdrâm Buôn Ma Thuột, kong pơlê Dak lak ai môi khu vâi kơdrâi Rađế hiăng mơjiâng khu pêi cheăng tơru\n teăn hmôu jêa, ếo putâk. Ing mê, mâu vâi nâ ối châ pơtối rak vế dêi tơdroăng cheăng teăn hmôu jêa ếo putâk dêi hdroâng kuăn ngo tơná hnối vâ tê tăng liăn mơdêk châ xo tơ’mot kơxo# liăn vâ rêh kâ tung rêh ối.

            Troh a [uôn Tơng Jú, cheăm Ea Kao, pơlê kong kơdrâm {uôn Ma Thuột, ôh tá pá vâ châ trâm mâu khu kơdrâi hdroâng kuăn ngo Rađế rơtế dêi rơpó ối a hngêi trá xo\n, lơ ối a víu hngêi dêi tơná vâ teăn hmôu jêa, ếo pơtâk. Mâu hmôu jêa, ếo pơtâk ki vâi nâ o teăn nôkố ôh tá xê to vâ sâp tung rơpo\ng hngêi tê, mê teăn hmôu jêa, ếo pơtâk vâ tê pêi lo tơ’nôm liăn ăm rơpo\ng hngêi, drêng khu tơru\m cheăng teăn hmôu, jêa, ếo pơtâk Tơng Bông k^ roê tâi tâng mâu hmôu jêa, ếo pơtâk ki vâi nâ o hdroâng kuăn ngo teăn. Nâ H’ Yăm, môi ngế kơdrâi Rađế, teăn rơneăm hmôu jêa, ếo pơtâk hiăng lối 20 hơnăm a pơlê kố tối ăm ‘nâi: Pơxiâm sap hơnăm 2003, troh a kố pêi rêm khế châ 1 rơtuh 500 rơpâu troh 1 rơtuh 700 rơpâu liăn. ‘Nâi pá puât laga xuân pêi, xua a hâk vâ [a\ tơdroăng kố. Tơdroăng teăn hmôu jêa, ếo pơtâk cho tơdroăng cheăng dêi hdroâng kuăn ngo á.

            Khu tơru\m cheăng teăn hmôi jêa, ếo pơtâk Tơng Bông mơjiâng sap hơnăm 2003. Drêng mê iâ mơngế roê, bu tê ăm kuăn pơlê hdroâng kuăn ngo tung mâu roh lêh Tết, troh nôkố, kế tơmeăm khoăng dêi Khu tơru\m cheăng hiăng ai mâ a lâp lu tíu tê mơdró kế tơmeăm khoăng ki le\m tơviah dêi kong pơlê. Laga, vâ châ tơ-[rê tiah mê, nâ H’ Yăm hiăng lăm ti tăng tíu roê hmôu jêa, ếo pơtâk teăn, veăng mơđah tơbleăng hên xôh kế tơmeăm khoăng tung kơchơ mơđah tơbleăng kế tơmeăm khoăng, ti tăng ple\ng tơdroăng púi vâ dêi mơngế ki roê xúa [a\ hnê mơhno kuăn pơlê teăn hmôu jêa, ếo pơtâk ki le\m mơnâ mâ ngăn, vâ tơmối rơhêng vâ roê. Xua mê, pak^ng teăn hmôu jêa, ếo pơtâk tiô khôi hmâ vâi krâ, khu tơru\m cheăng hiăng khên tơnôu khên tơnôu mơ’no liăn roê kơmăi kơmok ki teăn hmôu, jêa, ếo pơtâk, vâ kơdroh mơ’no ivá pêi cheăng [a\ ko\ng, kế tơmeăm khoăng ki teăn dâi le\m, yă tơtro tiô púi vâ [a\ mơngế ki roê. Nâ H’ Yăm ăm ‘nâi: Má môi teăn hmôu jêa, ếo pơtâk tá hâi le\m mơnâ mâ khât, má péa mâu kế tơmeăm khoăng ki teăn [a\ ko\ng cho hmôu jêa,  ếo, pơtâk,  kơtong, mâu kế tơmeăm khoăng mê cho tơpá vâ tê, xua hnoăng mơ’no teăn ton, mê tê [a\ yă kơnâ, xua mê tơpá vâ tê. Mâu tơmeăm kố drêng kal vâi nếo roê, laga sap ai kơmăi teăn hmôu jêa, ếo pơtâk, mê tơ’lêi tâ’’.

            Klêi kơ’nâi 12 hơnăm pêi cheăng, ing kơxo# liăn apoăng bu lối 1 rơtuh, 10 ngế pêi cheăng, troh nôkố, khu tơru\m cheăng teăn hmôu jêa, ếo pơtâk Tơng Bông hiăng mơdêk kơxo# liăn mơ’no pêi cheăng tâk 230 rơtuh liăn. Kơxo# mơngế pêi cheăng ki đi đo cho 42 ngế [a\ 100 ngế pêi cheăng tiô rơnó, mâu ngế ki kố cho hdroâng kuăn ngo a pơlê kố, mơhá liăn ăm rêm ngế lối 1 rơtuh 100 rơpâu liăn môi khế. Kơxo# liăn mơhé ôh tá bê hên, laga hiăng kum nâ o pêi lo tơ’nôm liăn ngân, tơniăn tơdroăng rêh ối ing tơdroăng cheăng tiô khôi vâi krâ hdroâng kuăn ngo dêi tơná.

            Ing túa tơru\m cheăng teăn hmôu jêa, ếo pơtâk dêi mâu nâ o a cheăm Ea Kao, troh nôkố, kong pơlê Dak Lak hiăng mơjiâng tơ’nôm 10 khu tơru\m cheăng teăn hmôu jêa, ếo pơtâk dêi hdroâng kuăn ngo. Laga vâ khu tơru\m cheăng cho tíu rak vế ki kơnía git dêi vâi krâ vâ thăm hơ’lêh, tơdroăng rêh ối niên tâ, poâ Nguyễn Phương Nam, kăn pơkuâ [ơrô pêi pro ‘na troăng hơlâ pêi chiâk deăng [a\ mơnhông mơdêk thôn pơlê kong pơlê Dak Lak tối, tơdroăng tơmâng to\ng kum dêi mâu kơvâ cheăng kong pơlê tung tơdroăng mơhno troăng prôk, hnê cheăng pêi cho tơdroăng ki kal khât: Tơdroăng tăng tíu tê dêi khu tơru\m cheăng cho ối pá puât, xua mê tung la ngiâ kal tơmâng to\ng kum, mê cho tơdroăng to\ng kum ing tơnêi têa. Ki rơhêng vâ tối cho tơdroăng tơbleăng kế tơmeăm khoăng, pro tơ’lêi hlâu ăm khu tơru\m cheăng, hnê mơhno to\ng kum, tăng tíu tê ăm kế tơmeăm khoăng, ‘na tơdroăng cheăng vâi mơ-eăm xêh, ki kal má môi cho tíu tê.

            Púi tơngah [a\ khên tơmiât khên pêi, [a\ tơdroăng to\ng kum dêi khu râ kăn pơkuâ, tơdroăng teăn hmôu jêa, ếo pơtâk dêi mơngế hdroâng kuăn ngo Rađế a kong pơlê Dak Lak, pơtối châ rak vế, mê ối cho tơdroăng cheăng xiâm kum mâu nâ o tơniăn tơdroăng rêh ối, kum mơnhông mơdêk cheăng kâ tung pơlê.

A Sa Ly chêh [a\ tơbleăng