VOV4.Sêdang - Hâi lơ 13 khế 8, Vi[an pơkuâ Kuo#k ho#i pơtối hôp rôh má 40, tơpui tơdroăng ki kal ăm kơ-êng tối ‘na tơdroăng tơkêa luât pơsăm phoăng, pơsăm tơkêng  ki (‘mâi hơ’lêh). Mâu ngế cheăng tung Vi[an vâ môi tuăn tơdroăng tơkêa Luât pơsăm phoăng, pơsăm tơkêng ki ‘mâi hơ’lêh hiăng châ tơmâng xo, tối nhên [ă ‘mâi hơ’lêh tiô tơdroăng veăng hnê tối dêi mâu kăn Kuo#k ho#i a rôh hôp má 9. Tiô tơdroăng tối ôh tá ai xôi, hla mơ-éa luât pơkâ ‘’mơngế ki tro săm tối châ ngăn cho ôh tá ai xôi ta troh drêng châ mơnhên tiô tơdroăng, pro hlá mơ-éa xua Khu luât kố ai pơkâ [ă ai hla mơ-éa chêh tơdroăng xôi dêi Hngêi tơleăng hiăng xêt khât tro tiô luât’’. Mâu tơdroăng ki veăng tôi tơpui tơno xuân tối tiah kố, tơdroăng thâo xo, xup um drêng kơ-êng mơngế ai xôi cho kal khât vâ tơniăn, tơdrăng tung pơla kơ êng, pak^ng mê kring vế ngế ki tro tơpôu xôi, mơdât pôi tá pro tơdroăng tôu pâm, mơnhâu, kring vế ngế ki kơ-êng vâ ví lơ tro săm tối.