VOV4. Sêdang - Xông tơpui a rôh hôp tiah hmâ Chin phuh kơxo lơ 9/3 ‘na tơdroăng hbrâ mơdât pơreăng Covid-19, pôa Nguyễn Xuân Phúc, Ngế pro xiâm hnê ngăn tơnêi têa tối nhên tơdroăng chêh hnê mơhno: Việt Nam ai tu\m ivá, mơ-eăm [ă kâi vâ pêi cheăng kâi mơdât pơreăng Covid-19. Tơdroăng ki Ngế pro xiâm hnê ngăn tơnêi têa tối nhên a hneăng hôp mê kuăn pơlê pôi tá lối tô tuăn, Chin phuh hiăng hbrâ tu\m tơdroăng drêng trâm pơreăng tâ tú.

Rôh hôp Chin phuh tiah hmâ lơ 9/3

Ngế pro xiâm hnê ngăn tơnêi têa tối tiah kố, dế nôkố tơdroăng tơplâ [ă Covid-19 pơxiâm rôh ki nếo, la Chin phuh hiăng hbrâ tro ăm tơdroăng kố, vâ mơhno hnoăng cheăng dêi Tơnêi têa [ă kuăn pơlê. Tối nhên tơdroăng  hlá tơbeăng chêh drêng kố cho kal, Ngế pro xiâm hnê ngăn tơnêi têa thế mâu kơ koan chêh hlá tơbeăng, mâu khu xiâm, kơvâ cheăng, kong pơlê, malối, khu xiâm ngăn ‘na chêh hlá tơbeăng, teăm hnê tối, chêh teăm tơdrêng, chêh tro, thế pơxâu phâk mâu ki chêh oh tá ta troh, pro kuăn pơlê chiâng xâu hlối tô tuăn.

Gương tơplôu [ă tơbleăng