VOV4.Sêdang - Kơvâ pêt kong tơnêi têa pin mơ-eăm tê loăng ngi kong têa ê lối 9 rơtal dollars Mih. Châ lối 1/5 tâi tâng loăng ki tê ngi kong têa ê dêi tâi tâng kơvâ pêi chiâk deăng, tê loăng ngi kong têa ê tung 6 khế hiăng luâ châ lối 4 rơtal 300 rơtuh dollars Mih, tâk 12,7% tâng pơchông [ă khế kố dêi hơnăm nah.

Vâ pêi tiô tơdroăng pơkâ plâ hơnăm tê loăng ngi kong têa ê châ 9 rơtal dollars Mih, kơvâ pêt kong pơtối po rơdâ túa pơkâ pêt, tê mơdró loăng kân, malối kơvâ uâ loăng ki vâ tê ngi kong têa ê.

Tơdrêng a mê hnối pêi tơdâng tơ’mô mâu troăng hơlâ sap ing loăng troh tơdroăng ki xúa kơmăi kơmok chal nếo [ă tơdroăng ki rak vế tơniăn mâu kơchơ tê mơdró tiô khôi túa ton nah [ă po rơdâ tơ’nôm mâu kơchơ tê mơdró ki nếo.

Katarina Nga tơplôu [ă tơbleăng