VOV4.Sêdang - Tiô tối tơbleăng dêi Khu xiâm ngăn cheăng kơmăi kơmok [ă tê mơdró, Việt Nam nôkố ai tơru\m cheăng tê mơdró [ă dâng 40 to kong têa tung kơpong châu Âu. Mơdêk kơxo# liăn pêi lo ing tê mơdró kế tơmeăm ngi kong têa dêi Việt Nam – châu Âu hên hơnăm hiăng luâ đi đo châ a kơlo 2 kơxo#.

Hơnăm 2018, kơxo# liăn pêi lo ing tê tơmeăm ngi kong têa ê pơla Việt Nam [ă khu kố châ lối 62 rơtal dollars, tung mê, Việt Nam tê tơmeăm ngi châu Âu dâng 44,9 rơtal dollars, châ 20% tung tâi tâng tơmeăm ki tê ngi kong têa ê dêi Việt Nam [ă tê a châu Âu 27 rơtal dollars. Mâu kong têa châu Âu xuân hiăng ‘no liăn cheăng a hên kơvâ cheăng dêi Việt Nam, [ă 3.300 tơdroăng tơkêa, châ dâng 50 rơtal dollars.

Katarina Nga tơplôu [ă tơbleăng