VOV4.Sêdang - Tung pơla hên kong pơlê a kơpong Tây Nguyên, reăng r^ng kong tê a drô hâng lông troăng môi tiah kơchâi drêh, reăng kố ga kơnâ, mê ngoh Vũ Huy Hoàng, ối a pơlê kân Liên Nghĩa, tơring Đức Trọng, kong pơlê Lâm Đồng, ‘nâi pêt reăng r^ng kong vâ tê. Kơdrum reăng r^ng ai inâi Hương Rừng dêi ngoh pêi lo châ rơtal liăn rêm hơnăm, tăng cheăng pêi ăm hên ngế tung pơlê, mê ối kum ngế ki pơkuâ kơdrum reăng r^ng châ kâ pri Lương Định Của hơnăm 2015, pri kố hiăng diâp ăm môi ngế rơtăm rêh ối a thôn pơlê rơkê pêi cheăng, tê mơdró, xúa kih thua#t khoa hok, kơmăi kơmok, pơtối mơnhông tơdroăng pêi cheăng, gâk ngăn kong prâi.

            Tơdroăng hâk git reăng r^ng troh [a\ ngoh Vũ Huy Hoàng kơtăn kố hiăng lối 10 hơnăm. Drêng mê nah, ngoh rế hriêm đăi ho\k, rế pêi cheăng tơ’nôm a mâu kơdrum pêt reăng r^ng vâ pêi lo tơ’nôm liăn păn roăng dêi tơná rêh ối, hriâm tâp. Klêi kơ’nâi mơgêi hriâm lo hngêi trung ai liăn, ngoh Vũ Huy Hoàng hiăng mơdoh hên chôu tăng hên reăng r^ng kong vâ pêt. Kơnôm chúa vế túa ki rơkê tơtro rak ngăn reăng r^ng tung mâu hâi lăm pêi cheăng vâi a mâu kơdrum reăng r^ng, xua mê, mâu reăng r^ng kong xông ngiât le\m [a\ tơhnhâ reăng le\m mơnâ mâ ngăn. Ôh tá ti tăng ‘nâi túa pêt, rak ngăn reăng r^ng, mê ngoh pơtối pro hdrê reăng r^ng. Drêng mâu reăng r^ng tung kơdrum rế hía rế hên [a\ hlo kơchơ tê mơdró kal hên, xua mê, ngoh ôh tá xê to pêt vâ xah hêi, mơnâ mâ ngăn, mê ngoh mơ’no liăn pêt, pro hên hdrê vâ tê tung kơchơ. Ngăn tơchuôm mâu reăng r^ng xông ngiât le\m [a\ tơhnhâ reăng le\m mơnâ mâ ngăn, ngoh Vũ Huy Hoàng sôk ro tối: ‘’Pơxiâm hâk vâ reăng r^ng, hâk vâ tá hiâm mơno, apoăng á bu pêt vâ xah hêi, laga drêng hlo mâu reăng r^ng xông ngiât le\m, reăng tơhnhâ le\m mơnâ mâ ngăn, hên ngế kơ-êng vâ roê, mê a tơmiât troh tơdroăng pêt reăng r^ng vâ tê. Troh khế 3 hơnăm 2012 a pơxiâm pro kơdrum pêt reăng r^ng, apoăng bu 100 met karê. Drêng kố ki hên pêt reăng r^ng kong’’.

            Tung tơdroăng pêt [a\ tơbleăng reăng r^ng, ngoh Vũ Huy Hoàng hlo kơchơ tê mơdró kal hên, kơxo# mơngế tơkêa vâ roê rế hía rế tâk hên. Xua mê, ngoh hiăng po rơdâ [a\ng pêt reăng r^ng. Apoăng hơnăm 2013, tung [a\ng tơnêi hiăng tơ’lêi ai dêi rơpo\ng ngoh po tơ’nôm 500 met karê reăng r^ng, [a\ tâi tâng kơxo# liăn mơ’no lối 400 rơtuh liăn, [a\ng pêt reăng r^ng lối 600 met karê. Pak^ng mê, ngoh xuân đi đo ti tăng ple\ng ing mơ-éa, hlá tơbeăng [a\ lăm séa ngăn a kơdrum pêt reăng mâu ngế ki ê, hriâm kơ-êng mâu ngế pêt reăng r^ng tung kơpong. Ing mê, ngoh hlo mâu hdrê reăng r^ng xiâm xo\n dế ai hên ngế rơhêng vâ roê. Reăng r^ng kố kơnâ, tơ’lêi rak ngăn, mê ngoh thăm pro hdrê. Xua mê, ngoh hiăng roê hdrê, pêt tơ’nôm mâu hdrê reăng r^ng ki kơnâ ki ê, môi tiah reăng r^ng ki Xuăn tối cho Dã Hạc Hawai, Dã Hạc Pơhlăng, Đại Ý Thảo. Pak^ng mê, ngoh ối roê tơ’nôm mâu hdrê reăng r^ng ki nếo kơnâ liăn ing mâu kong têa Siam, Đài Loan, pêt dêi a kơdrum reăng r^ng tơná, xuân môi tiah tê ăm mâu ngế ki pêt reăng r^ng ki ê.

            Ôh tá xê to pêt reăng r^ng vâ tê tung kơchơ, mê ngoh Vũ Huy Hoàng ối rak vế mâu gen kơnía git dêi hdrê reăng r^ng ki hiăng vâ tơ’lêi long hía a pơlê kân dêi tơná. Ngoh tối: ‘’Xua kuăn pơlê ti tăng reăng r^ng hên, ôh tá tơtro, xuân môi tiah tơnêi kong rế hía rế ku\n, xua mê, mâu túa reăng r^ng dêi a pơlê hiăng vâ long hía. Xua tiah mê, a mơ-eăm pêt mâu reăng r^ng ki kơnía git mê vâ pơtối rak vế’’.

            Nôkố, pak^ng pêt reăng r^ng tê tung kơchơ, ngoh Vũ Huy Hoàng ối tê hdrê reăng r^ng, kế tơmeăm khoăng vâ pêt reăng r^ng ăm mâu kơdrum pêt reăng r^ng a hên tung pơlê kân [a\ pá gong kong pơlê. Pak^ng mê, xua kơxo# reăng r^ng dêi ngoh ôh tá bê vâ tê tung kơchơ, ngoh xuân roê mâu reăng r^ng ing kơdrum ki ê a mâu pơlê. Hơnăm 2014, kơdrum reăng r^ng dêi ngoh Vũ Huy Hoàng pêi lo liăn lối 2 rơtal liăn [a\ tăng cheăng pêi tơniăn ăm 5 ngế pêi cheăng tung pơlê.

            Ngoh Phan Đình Quý – kăn pho\ pơkuâ Đoân droh rơtăm tơring Đức Trọng tối ăm ‘nâi: ‘’{a\ kơdrum reăng r^ng kong Hương Rừng, ngoh Hoàng hiăng pêi lo liăn ăm rơpo\ng, tăng cheăng pêi ăm hên ngế pêi cheăng tung tơring [a\ kum rak vế mâu gen ki kơnía git dêi reăng r^ng Lâm Đồng. {a\ mâu tơdroăng châ tơ-[rê mê, pơla kố nah ngoh hiăng châ Khu xiâm pơkuâ Đoân viên droh rơtăm Ko\ng san Hồ Chí Minh diâp pri Lương Định Của hơnăm 2015. Nôkố, ngoh xuân dế séa ngăn vâ po rơdâ túa cheăng kố ăm đoân viên droh rơtăm tung tơring.

A Sa Ly chêh [a\ tơbleăng