VOV4.Sêdang - Um tơvi kih thuât kơxo# VTC, ối tung Rơ’jíu xiâm Việt Nam hiăng mơjiâng tơdroăng hnê hriâm tung um tơvi vâ tơ’lêi hlâu ăm hok tro châ hriâm, hiăng mơ’no păng ‘nâng tung tâi tâng tơvi sap ing hâi lơ 12/3 ăm hok tro ki mơ’nui râ, cho lâm 5, lâm 9, lâm 12. Pôa Phan Chí Thanh, Kăn pơkuâ ngăn tíu xiâm pơkâ mơ’no tơdroăng tung Um tơvi kih thuât  kơxo# VTC tối, VTC tơku\m po hnê tung um tơvi, ai hên mâu thái cô ki rơkê păng ‘nâng.

VTC po lâm hnê hriâm tơdrêng tung um tơvi

Tiah mê, mâu nôu pâ hok tro kô tơniăn tuăn vâ ăm dêi hriâm. Mâu tơdroăng hnê mê kô ôh tá ai tơdroăng ki kơtăn phá tơ-ê, mê xuân ai hnê mâu môn Văn, Tóan, nâl kong ê, Lịch sử kum ăm 3 râ hriâm, mê cho râ má môi, râ má péa [ă râ má pái. Mâu tơdroăng hnê hriâm mê kô mơ’no drăng hyôh dêi um tơvi VTC8, VTC11, klêi mê, xuân ai tá tơdroăng mơ’no tơdrêng VTC Now.

Kố châ ngăn cho túa cheăng ki vâ hnê hriâm ki tơniăn tung pơla ai pơreăng Covid-19, kum ăm hok tro châ hriâm tơniăn tung pơla hiăng ton hâi pơtê xua tơkôm tâi pơreăng tâ tú mê nếo pơtối hriâm a hngêi trung.

Nhat Lisa tơplôu [ă tơbleăng