VOV4.Sêdang - Kơxo lơ 13/12, drêng pêi cheăng [ă hngêi rak liăn Tơnêi têa Việt Nam ‘na tối tơbleăng pơkâ séa ngăn mâu tơdroăng xo tơvêh tơmeăm khoăng ki kâ kơhveăm kâ kơluâ, ki tro lu\p tung mâu tơdroăng ‘na kâ kơluâ, ‘na cheăng kâ, mê pôa Phan Đình Trác, Kăn hnê ngăn Tíu xiâm Đảng, Ngế pơkuâ khu cheăng tung tíu xiâm tối nhên: Ki xiâm pêi pro kơtăng tung mâu tơdroăng xôi kâ kơluâ ôh tá xê to pơkâ kroăng tung hngêi phâk [ă mâu ngế ki ai xôi, mê ki kal má môi cho xo tơvêh tơmeăm khoăng ki kâ kơluâ, vâ kơdroh ki tro lu\p hên ‘na liăn ngân, cheăng kâ. 

Ngế pơkuâ khu cheăng tung tíu xiâm tối tiah kố, tơdroăng mung liăn, liăn dêi hngêi rak liăn cho tơdroăng ki xiâm, ai hên tơdroăng ki ôh tá mơhúa tung pơla pêi cheăng kâ tê mơdró. Tâng ôh tá hlê ple\ng nhên, ôh tá khên tơnôu mê kô ôh tá kâi châ tơ-[rê, la tâng khên tơnôu tơ’lêi tro pro tơdroăng xôi há.

Pôa tối thế kơvâ cheăng dêi Hngêi rak liăn hbrâ rơnáu séa ngăn vâ ‘nâi ple\ng nhên pêi klêi mâu luât pơkâ, vâ mơdêk tơ-[rê khât tơdroăng cheăng séa ngăn, mơdêk ivá pêi cheăng rak ngăn, pêi pro châ tơ-[rê dêi mâu khu tơru\m cheăng drêng ăm mung liăn.

Gương tơplôu [ă tơbleăng