VOV4.Sêdang - Yă kơphế kloăng a mâu kong pơlê kơpong Tây Nguyên pơtối to tung pơla achê kố [ă hiăng to a kơlo 44 rơpâu 400 liăn tung môi kg a hâi lơ 25 khế 10. Kố cho kơlo ki kơnâ má môi tung pơla 3 hơnăm vêh ngi kố. Tiô mâu khu mơdró kâ ki roê kơphế tối, yă kơphế kloăng tung kơchơ tê mơdró tung tơnêi têa cho xua kloăng kơphế a Brazil [ă Indonesia tung hơnăm kố tiô tối hdrối ôh tá pêi pro tiô tơdroăng ki rơhêng vâ roê dêi mâu kong têa ki ê. Tâng yă kơphế pơtối ối rak tơniăn a kơlo ki môi tiah nôkố tá troh tâi rơnó krí ah mê tâi tâng kloăng kơphế dêi Việt Nam mơni kô kơdroh xua kong tô mơdrăng, la ngăn tơdjuôm pêi lo liăn dêi kuăn pơlê pêt kơphế kô ôh tá tro tơdjâk hên. Tơdjâk troh tơdroăng ki yă kơphế to achê pơla kố, kơ koan ki ai tơdjâk hnê tối mâu ngế ki pêt kơphế, mâu khu ki mơdró kâ athế tơmiât nhên, séa ngăn tơdroăng drêng pơkâ tê lơ ‘măn vâ tơkôm yă to kơnâ tâ.

Katarina Nga tơplôu [ă tơbleăng