Dôm năr blŭng sơnăm ‘nao, Jơnŭm Hơp tak xah dêh char Dak Lăk hlôi tơgoăt jơnei ƀar păh Kŏng ty Tĕch răt tơmam drăm hăm teh đak đe Chơn Chính păng Kŏng ty Choh jang sa rơgoh ‘lơ̆ng Chơn Chính (dêh char Đồng Tháp) tơgoăt jang hơdoi choh jang sa păng răt iŏk phe ƀa kơ 10 hơp tak xah lơ̆m dêh char.

Akŏp hơgăt teh kĭ pơkăp jang hơdoi ‘noh 1.000 ha, tơchĕng hơlau hơgăt teh kĭ pơkăp lơ̆m pơyan jang sa đơ̆ng rŏng ‘noh 4.000ha. Kiơ̆ kơ ‘noh, hơnih mơdro sa pơkăp pơtruh ăn tôm bơ̆n phŏng jang sa păng răt iŏk pơđĭ phe hăm kơjă măt hlŏh kơ đe chă tĕch răt 100 hlak jên lơ̆m 1 kĭ ƀa. Găh păh hơp tak xah jang hơdoi pơkăp măh mai sơđơ̆ng phe ƀa ‘lơ̆ng tĕch ăn hơnih mơdro sa.