Đơ̆ng rŏng mĭnh ƀar ‘măng đei ‘mi blŭng pơyan, dôm năr au ki, tơ̆ dêh char Kon Tum đei dơ̆ng tŏ phang pơđang kơtang. Lơ tơring tơ̆ rim apŭng: Sa Thầy, Kon Brăih, Ngọc Hồi, Đăk Hà…kon pơlei hơnơ̆ng hơngŭr iung tơjră tang găn phang pơđang vă tơruih đak ăn ‘long pơtăm.

Dang ei lơ̆m pơlei tơm Kon Tum păng 8 apŭng kơ dêh char Kon Tum oei đei tơdra hơmơt ŭnh sa bri kơtang mă V-‘nau jĭ tơdrong hơmơt tơt hloh pơm ăn đei ŭnh sa bri kơtang păng lang să tĕnh koăng.