Drơ̆ng mĭnh nơ̆r hơdai tơ̆ hop akŏm, dôm bơngai tang măt akhan, oei lơ̆m grŭp 15 teh đak tĕch tơlĕch tơmam đơ̆ng choh jang sa tơ̆ teh đak đe tih hloh apŭng plĕnh teh păng dơ̆ng mă 2 lơ̆m tơring Đông Nam Á hăm hloh 170 teh đak, Việt Nam jĭ teh đak gĭt kăl lơ̆m trong jang hơdai kơjă păng jĭ teh đak vang jang ‘lơ̆ng lơ̆m tơdrong jang phe ƀa tơmam sa jơ̆p plĕnh teh.

Pơma hơdăh tơ̆ hop akŏm, Kơdră Anih tơm vei lăng găh Choh jang sa păng Hơtŏk tơiung tơring tơrang Lê Minh Hoan pơma hơdăh, Việt Nam jing teh đak pơtruh tơmam đơ̆ng choh jang sa mă lei kŭm jing anih tĕch mơdro tih găh phe ƀa tơmam sa đei lơ tơmam ‘lơ̆ng lơ̆m jang hơdai tĕch mơdro găh choh jang sa.