Dôm tơdrong pơma dơnuh tơ̆ ‘măng hop akŏm vang hơdai băl pơma dơnuh păng tơroi tơdrong hlôh vao đơ̆ng dôm tơdrong jang găh hơtŏk ‘lơ̆ng tơdrong kơchăng đơ̆ng dôm bơngai joăt jang, bơngai jang khoa hŏk mă 2 păh hlôi vang tơlĕch jang tơ̆ 3 tơring ‘noh: Tây Bắc, Tây Nguyên păng Tơmăn đak krong Cửu Long kŭm nhen ‘meh vă păng tơdrong gĭt kăl đơ̆ng tơdrong hơtŏk tơiung bơngai jang pơvih pơvăn ăn tơchĕng hơlen khoa hŏk lơ̆m tơdrong jang choh jang sa pơm lăp hăm tơplih tŏ ‘mi kial păng hơmet pơ ‘lơ̆ng dôm long nol hăm phe ƀa tơmam sa.
Phŏ kơdră Anih tơm vei lăng găh choh jang sa păng hơtŏk tơiung tơring tơrang Phùng Đức Tiến akhan, vă hơmet pơ ‘lơ̆ng dôm long nol hrei ‘nâu nhen: tŏ ‘mi kial pơrăm roi ‘năr roi tôch kơdêh, tơplih tŏ ‘mi kial, tơ jur ‘mê̆ ‘mach hnam kơmĭl, hơtŏk loi dơ̆ng rơgoh, kŭm nhen dôm tơdrong pơgăn ki thuơ̆t đơ̆ng dôm teh đak răt tơmơ̆t oei ‘năr roi lơ, 2 păh kăl kơ hơnơ̆ng jang hơdai kơjăp vă lăng ƀôh dôm long nol, vang hơmet pơ ‘lơ̆ng 1 trong đei yua.
Viết bình luận