Kiơ̆ đơ̆ng Hơnih vei lăng Choh jang sa păng Atŏk tơ iung tơring tơrang dêh char Dak Lăk, sơnăm 2023, hơnih vei lăng Choh jang sa păng rim hơnih jang hlôi tơlĕch lơ trong jang vei lăng năng tông bri kơna tơdrong pơm glăi khôi luơ̆t găh vei lăng năng tông bri đei tang găn, xek tơlang tơtom, tơdrong pơm glăi tơjur 20% pơtêng hăm sơnăm 2022.

Bơ̆ jang atŏk tơ iung bri đei tơlĕch kơtang. Lăng kơjăp pơtăm ‘nao, atŏk kơtang chă pơtăm ming, pơm hơtŏk đei iŏk yua kơjăp bri ‘long pơtăm. Truh dang ei, rim hơnih mơdro sa păng tơ-‘ngla bri hlôi pơtăm đei 2.500ha, să hlŏh trong tơlĕch jang 38,6%. Mă lei, bri ‘long hơyơ̆l groi teh kơ dêh char Dak Lăk ‘nao lăp jơnei hloh 38%, ưh kơ trŏ ƀlep hăm trong tơlĕch ăn lơ̆m Tơdrong tơchơ̆t jơnŭm vei lăng kon pơlei dêh char tơlĕch ăn ‘nŏh 39,24%.