Đơ̆ng blŭng sơnăm truh dang ei, tơ̆ Đăk Lăk hlôi băt đei 3 anih ƀơm jĭ klak chroh nhŭng châu Phi tơ̆ apŭng Cư M'gar păng pơlei tơm Buôn Ma Thuột, pơm 56 tŏ nhŭng ƀơm jĭ păng lôch athei soh lê̆. Atŭm hăm noh, 7 anih hơbuh pơrang jĭ hăm kon tơrong đei tơ̆ 4 apŭng păng pơlei tơm Buôn Ma Thuột. Anih jang Hơlen pơrang jĭ dêh char Đăk Lăk adoi tơroi đei 2 'nu lôch kơyuơ ƀơm jĭ vơnh.

Tơdrong tơm noh athei hơmet mă klaih dôm anih hơbuh pơrang, ưh đei lê̆ pơrang tơpoh lang să păng hơbuh anih pơrang 'nao; tơtom soh lê̆ dôm kon tơrong ƀơm jĭ, tơgŭm bơngai jang rong kon tơrong ƀơm răm; sek tơlang tơnăp dôm tơdrong chă tĕch răt kon tơrong glăi; atŭm hăm noh hơtŏk kơtang tơdrong ƀet vaccine bơ̆ng jĭ ăn kon tơrong, hơdrin đei jơnei tŏ sĕt jat noh 80% khul kon tơrong.