Đăk Lăk: Kơjă kaphê tŏk kăp, Anih jang mŭk drăm tĕch tơmam ăn teh đak đe adoi ƀơm lơ tơnap tap
Thứ năm, 09:50, 21/12/2023
VOV Tây Nguyên/Lan tơblơ̆ nơ̆r
VOV Tây Nguyên/Lan tơblơ̆ nơ̆r
VOV4.Bahnar – Dêh char Đăk Lăk ‘nao tơroi gah tơdrong đei yua kơ pơyan jang kaphê sơnăm 2022-2023. Tơrĕk hloh noh, hloh minh sơnăm kơ âu kaphê đei ƀôh tŏk kơjă hlôi pơm ăn tơdrong choh jang xa hơ-iă ƀiơ̆. Mă lei tơdrong âu adoi pơm tơnap tap ăn dôm anih jang tĕch pơdro hăm teh đak đe, pơkăl kiơ̆ tơchơ̆t kơjung hloh hăm tơdrong vei lăng năng tông tơmam drăm.
Dang ei Đăk Lăk păng dôm dêh char Tây Nguyên tŏk bŏk oei pĕ yua kaphê pơyan jang sơnăm 2023 – 2024 hăm kơjă tĕch đơ̆ng 58.000 truh 69.000 hlj/1kg, jing kơjă kơjung hloh đơ̆ng sơ̆ truh dang ei.
Kiơ̆ kơ ƀok Lê Thanh Sơn, Kơdră jang Marketing Kŏng ti tĕch răt tơmam hăm teh đak đe 2-9 Đăk Lăk, kơjă nhen dang ei noh pơyua lơ ăn kon pơlei jang mir păng anih jang kaphê, mă lei pơjing đei lơ tơnap tap ăn anih răt akŏm tĕch ăn teh đak đe. Atŭm minh tơchơ̆t gah tơmam drăm, anih jang tĕch pơdro hăm teh đak kăl jên jang hloh tong anê̆ pơtêng hăm pơyan hơdrol ki, atŭm hăm noh, tŏk bŏk oei tơjră hăm tơdrong tŏk jur kơjă răm ưh kơ ê.
Viết bình luận