Tơ̆ hop akŏm hlôi chih iŏk lơ nơ̆r tơgop đơ̆ng dôm anih jang mŭk drăm akŏm lơ̆m dôm tơdrong nhen: Tơdrong chih măt, chih tơroi ăn, pơdreo thuê̆; tĕch pơdro hadoi, tơchơ̆t thuê̆ bơngai jang, jên yua đơ̆ng anih jang mŭk drăm; tơchơ̆t tơgŭm thuê̆; tơchơ̆t pơdreo thuê̆ ăn anih jang mŭk drăm tơmam choh pơtăm; hoă đơn điê̆n tưh.

Ƀok Bùi Văn Chuẩn, Kơdră Anih jang thuê̆ dêh char Đăk Lăk ăn tơbăt, dôm nơ̆r pơtruh đơ̆ng anih jang mŭk drăm gô đei anih jang thuê̆ chih iŏk păng tơlĕch tơblang vă hơtŏk pơ-‘lơ̆ng gah jang hanh chĭn, hơtŏk đei jơnei lơ̆m tơdrong vei lăng păng pơm jang gah thuê̆, tơroi, ăn thuê̆... pơm trong hiôk ăn dôm anih jang mŭk drăm pơm jang hiôk hian păng đei jơnei hloh.