Tơ̆ hop akŏm, dôm tơ ‘ngla tơmam OCOP đơ̆ng 2 dêh char Quảng Ngãi păng Đắk Lắk đei roi tơbăt, chă trong tĕch dôm tơmam ‘lơ̆ng đơ̆ng rim dêh char nhen: đak măm Mười Quý, toi Lý Sơn, kuê̆ Trà Bồng, bơ đak krong Trà kơ dêh char Quảng Ngãi; cheh phe ƀôt ‘lơ̆ng, plei sầu riêng sơ̆k hơdrĕng, găr mắc ca, ca cao, đak tra mit kuan kơ dêh char Đắk Lắk.

‘Nâu jĭ dôm tơmam tôch ‘lơ̆ng đơ̆ng 2 dêh char, gơ̆h tơlĕch trong tĕch mơdro tơ̆ lơ anih vă tưk tơiung anih tĕch mơdro sơđơ̆ng ‘lơ̆ng tơ̆ rim dêh char păng lơ̆m teh đak. Tơ̆ hop akŏm, bơngai tang măt ăn 20 anih jang đei tơmam đơ̆ng 2 dêh char kĭ pơkăp hla ar jang hơdoi hăm dang 50 tơmam OCOP păng tơmam ‘lơ̆ng tơ̆ tơring.