Đắk Lắk: Tơlĕch trong iŏk yoa vắc xin tang găn ji klak nhŭng Châu Phi
Thứ tư, 10:58, 27/12/2023
VOV Tây Nguyên/Dơ̆ng tơblơ̆
VOV Tây Nguyên/Dơ̆ng tơblơ̆
VOV4.Bahnar - Pơgê brei (26/12), Anih vei lăng choh jang xa păng atŏk tơiung tơring tơrang Đắk Lắk jang hơdoi hăm Công ty AVAC Việt Nam pơgơ̆r hop akŏm tơlĕch trong iŏk yoa vacxin tang găn jĭ klak nhŭng Châu Phi tơ̆ dêh char Đắk Lắk.
Truh khei 7/2023, akŏm đĭ đăng đei hlŏh 650.000 kơliêu vắc xin jĭ Klak nhŭng Châu Phi đei hơlen năng ‘lơ̆ng, sĭt kơtang ngăl; đei iŏk yoa tôch sơđơ̆ng kiơ̆ nơ̆r pơtho tơ̆ hlŏh 30 dêh char, plt lơ̆m teh đak.
Kiơ̆ ƀok Trần Ngọc Sơn, Phŏ Kơdră Anih vei lăng kon tơrong păng jang thŭ y dêh char Đắk Lắk, truh dang ei, tơdrong jĭ klak nhŭng Châu Phi đei tơ̆ 680 unh hnam găh 13 apŭng. Akŏm đĭ đăng nhŭng jĭ, lôch păng athei sŏh hŭt ‘nŏh 4.840 rŏ. Truh dang ei, lơ̆m dêh char Đắk Lắk oei đei 5 apŭng đei jĭ klak nhŭng Châu Phi tam mă truh 21 năr. Tơdrong vắc xin AVAC ASF LIVE đei asong yoa gô pơm hơtŏk ƀiơ̆ tơdrong ‘lơ̆ng đơ̆ng tang găn jĭ klak nhŭng Châu Phi tơ̆ tơring.
Viết bình luận