Tơdrong tĕch mơdro đơ̆ng Halal lơ̆m plei teh đei lơ tơdrong ‘lơ̆ng găh kơsô̆ bơngai lui Hồi giáo, hăm dang 2 ti ‘nu bơngai lơ̆m sơnăm 2023. Tơdrong jang mŭk drăm đơ̆ng Halal lơ̆m plei teh oei tŏk pran hrĕnh hăm lơ tơdrong. Tơ̆ Hop akŏm, bơngai tang măt ăn anih jang Halal Việt Nam akhan, lơ tơmam đơ̆ng choh jang xa Việt Nam pơma atŭm păng Đắk Lắk pơma hơdrô̆ lăp hăm tơdrong hơgăt tơmam rơgŏh ‘lơ̆ng, lăp hăm hla ar chih tơbăt đơ̆ng Halal.

Mă lei, hrei ‘nâu tơmam xa đơ̆ng Halal tĕch tơ̆ teh đak đe mă lơ ‘nŏh jĭ tơmam tam mă pơm hơmet pơ ‘lơ̆ng. Yoa thoi nŏh dôm anih tĕch mơdro, HTX tơ̆ dêh char Đắk Lắk athei tơrek truh tơ̆ trong jang xa, pơm tơlĕch tơmam, roi tơbăt tơ̆ anih tĕch mơdro, tơdrong hơgăt đơ̆ng Halal vă gơ̆h pơm lăp hăm nơ̆r athei tôch dêh tơ̆ anih tĕch mơdro dôm teh đak Islam ( Hồi giáo) tơ̆ Châu Âu, Châu á, Ả Rập…