Bơ̆ jang hăm dôm tơ ‘ngla bri tơ̆ apŭng Sa Thầy, dêh char Kon Tum, Phó Thủ tướng Trần Lưu Quang athei dôm tơ ‘ngla bri, khul linh vei lăng bri ră roi mă rơđăh dôm tơdrong pơmat tat, tơhlăk tăk mưh bơ̆ jang vei lăng bri tơ̆ tơring. Pơma tơ̆ jơ bơ̆ jang, Phó Thủ tướng Trần Lưu Quang hơpơi ‘mĕh dôm anih jang adrin yak hlŏh pơmat tat vă bơ̆ jang ‘lơ̆ng tơdrong jang vei lăng bri.

Tơdra adrol ‘năr tŏ phang oei đei đech, yoa thoi nŏh Phó thủ tướng Trần Lưu Quang athei dôm anih tơ ‘ngla bri tơ̆ Sa Thầy, Kon Tum, tơring oei krê kơ unh xa bri tôch dêh, athei pơjing trong jang tang găn, pĭt unh xa kiơ̆ rim tơdrong, năng ‘nâu jĭ tơdrong jang tơm.