Ƀok Lê Trung Kiên, Kơdră vei lăng Dơnâu đak dêh char Đắk Nông, ăn tơbăt, kiơ̆ tơdrong tơdra đơ̆ng anih hơlen năng hơyuh plenh tĕh, dang đơ̆ng khei 2 truh khei 4/2024, đak tơ̆ 1,2 tơring lơ̆m dêh char gô hrŏ, hrơ̆ đĭ jing đei tơdrong phang pơđang, ưh kơmăh đak vă pơyoa ăn tơdrong choh jang xa păng arih xa kơ kon pơlei ƀât hơtuch pơyan phang.

Tơ̆ hơnăp tơdrong ‘nâu, Anih vei lăng kon pơlei dêh char Đắk Nông hlôi tơlĕch trong tang găn tŏ phang pơđang, athei dôm anih jang kơpal, tơring tơrang hơlen năng mă kơjăp tŏ ‘mi kial, hơlen năng kơtu đak, chih hơdăh tơring đei măh mai đak, tơring hơmơt ưh kơmăh đak, kơchăng pơchoh đak mă lăp păng hơmet ming pơyan choh jang, tơplih ming ‘long pơtăm, kon tơrong mă lăp.