Gia Lai: Ƀô̆ trương Lê Minh Hoan vang hơlêm hăm hơnih mơdro sa găh hơtŏk kơjă hơnih jang chehphe
Thứ ba, 14:58, 14/11/2023
VOV Tây Nguyên/Amazưt tơblơ̆
VOV Tây Nguyên/Amazưt tơblơ̆
VOV4.Bahnar - Ƀlep lơ̆m ‘măng năm tơmang păng vang năm Giĕng Lêh joh ayŏ kơdŏ soang-Tơmang pơhiơ̆ Gia Lai 2023, Ƀô̆ trương Hơnih tơm vei lăng Choh jang sa păng Atŏk tơ iung tơring tơrang Lê Minh Hoan hlôi tơƀơ̆p, pơma đam hăm rim hơnih mơdro sa jang chehphe lơ̆m dêh char tăp dăr tơdrong atŏk kơ jă tơmam drăm chehphe.
Ƀôh hơdăh tơdrong rơvơn roi tŏk măt kơ chehphe, blŭng sơnăm 2023, Hơnih vei lăng kon pơlei dêh char Gia Lai pơjing Hơnih chĕp pơgơ̆r Tơdrong vă jang pơlong năng tơ iung pơjing tơring choh jang sa, bri ‘long ‘lơ̆ng tơgŭm ăn tĕch mơdro lơ̆m teh đak păng tĕch tơ̆ teh đak đe lơ̆m dêh char Gia Lai jăl jang 2022-2025.
Tơ̆ jơ tơƀơ̆p, Ƀô̆ trương Lê Minh Hoan hlôi pơma tơbăt dôm trong jang hle găh roi tŏk măt kơjă chehphe đơ̆ng tơdrong tơgoăt tơgoăl vă pơjing hơnăn atŭm găh chehphe Gia Lai, tơ iung pơjing păng atŏk tơ iung kơjă kăp gĭt ‘nao ăn chehphe gơnơm iung jang hơdoi hăm tơmang pơhiơ̆, tơchăr kiơ̆ tơdrong ‘meh vă, tơdrong joăt kơ bơngai răt yua, hŏk pơhrăm đơ̆ng trong pơm hơtŏk kơjă tơmam drăm choh jang sa kơ rim teh đak tơjê̆.
Viết bình luận