Khei ‘năr âu ki, dôm grŭp pơtrŭt choh jang sa tơpôl hlôi tơgŭm kon pơlei, dôm hơp tak xăh găh ki thuơ̆t pơtăm cheh phe kiơ̆ dôm tơdrong hơgăt, pơih să tơring tơmam cheh phe kơjăp vă hơtŏk kơjă. Lơ̆m noh, tơdrong jang pơtrŭt choh jang sa tơpôl tơ̆ dêh char Kon Tum đei lăng ‘lơ̆ng gơnang đơ̆ng tơdrong vang yak hơdai hăm vă 400 ŭnh hnam kon pơlei, pơm tơlĕch 2000 tấn cheh phe ‘lơ̆ng 4C.

Đơ̆ng rŏng mơ̆ng dôm nơ̆r tơgop găh tơdrong hơtŏk ‘lơ̆ng tơdrong kĕ jang đơ̆ng dôm grŭp pơtrŭt choh jang sa tơpôl, ƀok Lê Quốc Thanh, Kơdră vei lăng Anih pơtrŭt choh jang sa teh đak tơbăt, Anih pơtrŭt choh jang sa teh đak gô ling lang yak hơdai, tơgŭm vă hơtŏk tơdrong kĕ jang ăn dôm grŭp pơtrŭt choh jang sa tơpôl tơ̆ tơring tơmam cheh phe tơ̆ Tây Nguyên.