Kiơ̆ hơlen lăng atŭm đơ̆ng dôm bơngai jang khoa hŏk, tơmam đak tơ̆ Tây Nguyên tôch kơ lơ. Mă lei, yua đơ̆ng hơnih teh ưh kơ ‘lơ̆ng, hơ dai hăm ƀơm ưh kơ ‘lơ̆ng đơ̆ng tơplih tŏ ‘mi kial, kơ hret hơtŏk kơ sô̆ kon pơlei, đon băt iŏk yua đak tam mă lơ tŏk bŏk ƀơm ưh kơ ‘lơ̆ng tih truh tơdrong vei sơđơ̆ng đak tơ̆ Tây Nguyên.

Tơ̆ hop akŏm, dôm bơngai tang măt hlôi akŏm pơma dơnuh 1,2 tơdrong ƀơm truh dôm long nol, trong jang lơ̆m iŏk yua đak, vei lăng păng hơtŏk tơiung tơmam đak pơyua ăn hơtŏk tơiung mŭk drăm, joh ayŏ, tơmang lăng Tây nguyên kơjăp. Tơ̆ hop akŏm, dôm bơngai tang măt kŭm hlôi pơma dơnuh găh tơmam ‘lơ̆ng, tơdrong hiôk tơ gĕch yua tơdrong ‘lơ̆ng đơ̆ng dôm dơnâu đak hlăng, đak tŏ vă hơtŏk tơiung mŭk drăm - tơmang lăng tơklep hăm tơdrong ‘lơ̆ng joh ayŏ kơ dôm hơdrĕch kon kông Tây Nguyên.