Iŏk yua kơmăy kơmŏk kơ sô̆ pơtrŭt hơtŏk tơiung kơjăp choh jang sa anih kơdrơ̆m
Thứ sáu, 14:00, 12/04/2024
VOV Tây Nguyên/Thuem tơblơ̆
VOV Tây Nguyên/Thuem tơblơ̆
VOV4.Bahnar - Pơgê brei (11/4), tơ̆ pơlei tơm Đà Lạt, Anih pơtrŭt choh jang sa teh đak (Anih tơm vei lăng găh Choh jang sa păng Hơtŏk tơiung tơring tơrang) jang hơdai hăm Anih vei lăng găh choh jang sa păng hơtŏk tơiung tơring tơrang Lâm Đồng pơgơ̆r hop akŏm pơtrŭt choh jang sa anih kơdrơ̆m ‘măng mă 1 sơnăm 2024 hăm hơnăn iŏk yua tơplih kơ sô̆ lơ̆m jang sa, pơm tơlĕch păng tĕch tơmam đơ̆ng choh jang sa rơgoh.
Hop akŏm hlôi ‘măn jơ mơ̆ng 5 hla ar tơroi tơbăt, pơma dơnuh păng akŏm lơ nơ̆r tơgop đơ̆ng dôm bơngai joăt jang, bơngai jang khoa hŏk, dôm anih jang vei lăng tŏk bŏk tơlĕch jang tơdrong jang tơplih kơ sô̆ đơ̆ng dôm anih tơm, anih jang grŭp Pơtrŭt choh jang sa anih kơdrơ̆m tơ̆ dôm tơring.
Ƀok Lê Minh Lịch, Phŏ Kơdră Anih pơtrŭt choh jang sa teh đak tơbăt, hop akŏm gô tơgop gĭt kăl pơtrŭt tơdrong jang tơplih kơ sô̆ lơ̆m jang sa, pơm tơlĕch păng tĕch tơmam choh jang sa rơgoh tơring anih kơdrơ̆m tơ̆ hơnăp kơnh.
Viết bình luận