Hăm hơnăn “Hơtŏk ‘lơ̆ng tơmam drăm đơ̆ng choh jang sa, pơm tơlĕch - tĕch mơdro tơmam drăm đơ̆ng choh jang sa tơmam sa sơđơ̆ng, vei lăng cham char”, kơdră chĕp kơ̆l dêh char Dak Lak hlôi iŏk đei vă jê̆ 100 nơ̆r apĭnh đơ̆ng kon pơlei jang chŭn mir gơih ăn. Tơ̆ hop akŏm pơma dơnuh, kơdră chĕp kơ̆l dêh char hlôi tơ̆r kơ tă 16 nơ̆r apĭnh ƀơm truh hơtŏk tơiung choh jang sa tơ̆ tơring.

‘Nâu jĭ sơnăm mă 2, kơdră chĕp kơ̆l dêh char Dak Lak pơma dơnuh hăm kon pơlei jang chŭn mir vă răp mơ̆ng, chih iŏk dôm nơ̆r tơgop păng set hơlen, tơchơ̆t, athei dôm anih jang tơtom đei trong jang hơmet pơ ‘lơ̆ng dôm tơdrong mơmat tat, tơhlăk tơhlĭn lơ̆m choh jang sa kơ tơring.