Tơ̆ dôm pơgar tiu lơ̆m dêh char Đắk Lắk, dôm năr âu ki, tơdrong phĕ tiu tôch chơt hơiă. Bơngai pơtăm tiu čhôk ‘nă mưh kơjă tiu tŏk roi lơ. Dang ei kơjă tĕch jur tŏk đơ̆ng 89.000 truh hlŏh 90.000 1 kĭ. Dêh char Đắk Lắk đei vă jê̆ 32.000 ha tiu, plei tiu pơhlom phĕ đei dang 80.000 tân.

Tơdrong kơjă tiu “jur tŏk” lơ̆m dôm sơnăm âu ki, ƀât mă tŏ ‘mi kial kơnê̆, pơrang jĭ phă dêh, kơjă tơmam jang, thuê bơngai jang măk hlôi ƀơm ưh ‘lơ̆ng truh tơdrong iŏk yoa đơ̆ng bơngai pơtăm. Kơjă tiu vă tŏk đơ̆ng blŭng pơyan phĕ sơnăm 2024 ‘nŏh jĭ tơdrong tôch hơiă vă kon pơlei sơđơ̆ng jơhngâm tơmât jên jang tŏk ‘long tiu pran kơjăp./.