Ƀar dêh char Kon Tum păng Gia Lai đei tơring sơlam tơter băl truh 9 apŭng, plt akŏm đĭ đăng teh kơjung hlŏh 183km. Tơring tơter băl kơ 2 dêh char mă lơ ‘nŏh jĭ bri ‘long, đei ‘long bri oei tôch lơ, hăm lơ kơloăi bri ‘long, sem bri brăh kăp gĭt, hui đei, yoa thoi noh ƀônh đei bơngai mât tơtông phă pơhrăm bri.

5 sơnăm âu ki bơ̆ jang kiơ̆ trong jang hơdoi, khul jang kơpal kơ 2 dêh char pơgơ̆r hlŏh 1.300 ‘măng dăr joang, druh rôp bơngai pơm glăi, vei lăng bri ‘long; chă ƀôh rôp phak 275 tơdrong, lơ̆m noh sek phak jên 242 tơdrong, phak kron 27 tơdrong hăm vă jê̆ 16 ha bri ‘long hiong răm; Thu iŏk hlŏh 815m3 ‘long hơpôm, 20 kg sem bri brăh. Akŏm đĭ đăng jên đei thu iŏk, nôp ăn teh đak hlŏh 2 ti 500 triu.