Kon Tum prăt măng, prăt năr ƀôm đak tang găn tŏ phang ăn ƀa tơter dơnâu đak Hnam kơmăy unh điên Yaly
Thứ tư, 16:46, 10/04/2024
VOV Tây Nguyên/Dơ̆ng tơblơ̆
VOV Tây Nguyên/Dơ̆ng tơblơ̆
VOV4.Bahnar - Tơdrong tŏ phang pơđang tơ̆ dêh char Kon Tum oei tôch dêh. Dang ei, dôm Hnam kơmăy ƀôm đak tơ̆ plt Kon Tum oei kơdâu đĭ kơsư̆k prăt măng, prăt năr ƀôm đak tang găn phang pơđang ăn hlŏh 400 ha ƀa đak tơter dơnâu Hnam kơmăy unh điên Yaly.
Vă đei măh mai đak ăn chŭn na kơ plt Kon Tum tơ̆ tơring tơter dơnâu Hnam kơmăy unh điên Yaly, anih jang kơpal iŏk yoa 3 tŏ Hnam kơmăy ƀôm đak tơ̆ xăh Ngọc Bay păng Vinh Quang prăt măng, prăt ƀôm hơtŏk đak đơ̆ng đak krong Đăk Bla vă tang găn phang pơđang.
Hăm kơsư̆k ƀôm đơ̆ng 1 hnam kơmăy ƀôm đak dang 600m3 1 jơ, hơdai hăm tơdrong pơchoh, pơro đak lăp ‘lơ̆ng, dang ei dôm hnam kơmăy ƀôm đak oei pơtruh măh mai đak ăn hlŏh 400 ha ƀa đak oei vă hnông tơ̆ dôm xăh: Ngọc Bay, Vinh Quang păng Đoàn Kết. Hăm 2 Hnam kơmăy ƀôm đak nai ‘nŏh Tà Rộp păng Tà Wắc tơ̆ xăh Đăk Năng đak ưh kơmăh, anih jang hlôi đei trong vă găn ƀiơ̆ tơdrong hiong răm ăn kon pơlei.
Viết bình luận