Kiơ̆ kơ ‘nŏh, Anih vei lăng kon pơlei dêh char Kon Tum athei dôm anih jang kơpal hơlen năng vă gơ̆h đei 1 trong jang, kơsô̆ chih jô̆ trŏ ƀlep, anih vă pơm kơplăh hla ar chih păng yăn âu; găh bri ‘long păng kơloăi ‘long bri. Kŭm hăm ‘nŏh pơm hla ar, tơroi ăn anih jang kơpal hơlen năng, kĭ ăn hla ar pơtăm ‘long bri tơplih ming păng tơgĕch iŏk bri ‘long tơ̆ hơgăt teh bri đei tơplih ming vă pơyoa ăn tơdrong jang nai.

Anih vei lăng kon pơlei dêh char Kon Tum oei tơtă ăn dôm anih jang kơpal lăp roi tơƀôh ăn dôm anih jang tih hơlen năng tơdrong tơplih ming trong iŏk yoa teh hăm dôm kơloăi teh bri ‘long đei tôm tơdrong kăl lăp hăm tơdrong hơgăt đơ̆ng Luơ̆t vei lăng bri ‘long păng dôm tơdrong hơgăt đơ̆ng luơ̆t đei ƀơm truh; đei trong hrŭ ‘mong, chưk pơ ‘ngoăih teh, pơm ‘lơ̆ng, rơđăh rơđong; tơdrong jang ưh gơ̆h pơm hiong huach tơmam teh đak, ưh gơ̆h lê̆ đei tơdrong tơkêng băl, ƀơm ưh ‘lơ̆ng truh tơpôl, ưh ‘lơ̆ng truh tơdrong sơđơ̆ng păng tơdrong arih xa kơ kon pơlei.