Lâm Đồng jĭ dêh char đei tơdrong pran găh pơm tơlĕch choh jang sa kơmăy kơmŏk ‘nao, hăm lơ tơmam choh jang sa đe ư hơnhang đei pơm tơlĕch đơ̆ng ‘nhot, pơkao, hla che, cheh phe, atiso păng 1,2 tơmam plei ‘long đei kơjă mŭk drăm lơ.

Vă sơđơ̆ng pơm tơlĕch, vei sơđơ̆ng anih răt tơmam, pơih să anih tĕch mơdro lơ̆m teh đak păng tĕch tơ̆ teh đak đe, dêh char Lâm Đồng hơnơ̆ng pơgơ̆r dôm lăm pơhrăm mơdro sa, hơmet ăn tơdrong hlôh vao găh vang jang dôm tơdrong tơchơ̆t mơdro sa ăn dôm anih mơdro sa. Hơdai hăm hơdrin tơlĕch jang dôm tơdrong jang tơgŭm anih mơdro sa hơtŏk tơiung mơdro sa điên tư, roi tơƀôh hơnăn, hơtŏk ‘lơ̆ng tơdrong kĕ pơjei, tơchă anih tĕch mơdro kiơ̆ dôm kơ chơ, pơdă păng tơƀôh tơmam.