Lâm Đồng khŏm mă pơm kiơ̆ dôm trong jang kơchăng tang găn păng Pĭt unh xa bri
Thứ năm, 14:33, 29/02/2024
VOV Tây Nguyên/Lan chih tơblơ̆
VOV Tây Nguyên/Lan chih tơblơ̆
VOV4.Bahnar - Lâm Đồng đei hloh 500.000 ha bri, lơ̆m noh mă tơm noh bri ‘long hơngo păng dôm tơm ‘long ƀônh ƀơm unh xa. Lơ̆m khei năr tŏ phang đunh năr, bri ƀônh ƀơm unh xa, rim tơring âu tŏk bŏk oei akŏm tơlĕch lơ trong jang tang găn păng pĭt unh xa.
Tŏ pơđang atŭm hăm ưh đei ‘mi pơm ăn kơ bri ƀônh ƀơm unh xa tơ̆ Lâm Đồng. Anih jang vei lăng kon pơlei dêh char Lâm Đồng hơnơ̆ng pơtruh hla bar pơgơ̆r jang hăm Anih Choh jang xa păng Hơtŏk tơring tơrang, Anih jang vei lăng kon pơlei dôm apŭng, pơlei tơm lơ̆m dêh char pơgơ̆r Anih jang vei lăng bri, tơ-‘ngla bri, Anih jang vei lăng kon pơlei dôm xah păng dôm anih jang đei tơrĕk pơm kiơ̆ dôm tơdrong tơlĕch jang tang găn păng pĭt unh xa bri hlôi đei kĭ pơkăp.
Lơ̆m noh, tơrĕk kăp gĭt truh tơdrong pơm kiơ̆ pơkăp “4 tơ̆ tơring” lơ̆m tang găn păng pĭt unh xa bri; đei trong jang sơđơ̆ng khul jang, tơmam drăm jang vă dah tom ƀôh băt, sek tơlang păng pĭt unh xa, ưh đei lê̆ unh xa rok lang să truh tơring nai.
Viết bình luận