Tơ̆ jơ pơma đam, Kơdră tơm vei lăng choh jang xa păng atŏk tơiung tơring tơrang Lê Minh Hoan ăn tơbăt, choh jang xa, kon pơlei jang chŭn mir, tơring tơrang đei kơdră chĕp kơ̆l Đảng, Teh đak păng Khul kơdră teh đak Việt Nam năng “jĭ tơdrong pran ‘lơ̆ng kơ teh đak, jĭ jrăng tơjră ăn tơdrong jang mŭk drăm”. Lơ̆m noh jang ƀa jĭ anih jang tơm, ưh lăp tơgŭm vei lăng măh mai phe xa ƀa sŏng ăn teh đak đĕch mă oei tơgŭm tưk tơiung mŭk drăm teh đak kŭm nhen tơƀôh hơdăh hơnăp jang đơ̆ng Việt Nam lơ̆m tơdrong vei lăng ‘lơ̆ng phe ƀa, tơmam xa apŭng plenh teh.
Vă tơlĕch tơdrong jang atŏk tơiung 1 triu ha ƀa ‘lơ̆ng păng tơjur ƀiơ̆ kơchơ̆t kơnê̆, Việt Nam kăl akŏm jơhngâm, tơmam păng tơdrong rơgei đơ̆ng ki thuơ̆t, 1 lơ̆m dôm tơdrong jang gĭt kăl ‘nŏh jĭ “Khul jang tơplih ‘nao rơgei găh Phe ƀa tơmam” tơ̆ Việt Nam đei pơjing kiơ̆ tơdrong pơcheh đơ̆ng Anih jang mŭk drăm apŭng plenh teh, hăm tơdrong tơm ‘nŏh tơlĕch trong jang hơdoi lơ̆m teh đak păng apŭng plenh teh vă tưk tơiung tơdrong iŏk yoa kơmăy sô̆ pơm hơtŏk kơjă đơ̆ng choh jang xa rơgei.
Viết bình luận