Đơ̆ng kơ sô̆ 12.000 tơnơm sâm Ngọc Linh hơdrĕch Thủ tướng Phạm Minh Chính asong ăn ŭnh hnam dơnuh hin, Anih vei lăng kon pơlei apŭng Tu Mơ Rông hlôi tơchơ̆t klăih song, tơgŭm 300 ŭnh hnam dơnuh hin tơ̆ 23 pơlei găh 8 xăh lơ̆m apŭng. Lơ̆m noh, xăh Măng Ri đei kơ sô̆ ŭnh hnam dơnuh hin đei tơgŭm ‘long hơdrĕch sâm Ngọc Linh lơ hloh hăm 135 ŭnh hnam, tŏ sĕt hloh ‘noh xăh Đăk Tờ Kan hăm 10 ŭnh hnam.

Hơdrol kơ tơlĕch jang tơdrong pơtăm hơdrĕch sâm Ngọc Linh, Anih pơvih pơvăn choh jang sa apŭng Tu Mơ Rông jang hơdai hăm kơdră chĕp kơ̆l dôm xăh păng anih mơdro sa hlôi pơgơ̆r pơjing dôm grŭp pơtăm sâm; pơhrăm, pơtho khoa hŏk ki thuơ̆t; pơtruh ‘long hơdrĕch, tơmam... păng răp hơlen lăng kơ plăh pơtăm sâm đơ̆ng kon pơlei tơ̆ teh. Apŭng Tu Mơ Rông kŭm hơmĕng đơ̆ng pơgar sâm Ngọc Linh 12.000 tơnơm mă Thủ tướng Phạm Minh Chính pơjao asong, tơdrong jang ŭnh hnam dơnuh hin pơtăm sâm Ngọc Linh gô lang să pran kơtang, jĭ tơdrong ‘lơ̆ng vă kon pơlei kơ apŭng pơih să dơ̆ng teh pơtăm pơgang hla ‘long gĭt âu.