Kiơ̆ kơ noh, khei năr pơkă ƀet bơ̆ng jĭ pơkăl lơ̆m Ƀet bơ̆ng jĭ pơih xă đei:

          - Nge 'nao rơneh: Ƀet vaccine bơ̆ng jĭ klơm B.

          - Hơ-ioh hơla 1 xơnăm: Ƀet vaccine bơ̆ng jĭ lao, huch vaccine bOPV bơ̆ng hơven hơvo jo jăn, ƀet vaccine bơ̆ng 5 tơdrong jĭ: jĭ krŏk, hiĕn hrek, jĭ hrŭt hơkâu jăn, jĭ klơm B, jĭ tơsoh/jĭ đuh 'ngok kơyuơ xơmach Hib, ƀet bơ̆ng jĭ hơven hơvo, lĕch pơxrei.

          - Đơ̆ng 1 truh 5 xơnăm: Ƀet bơ̆ng jĭ 'ngok Nhâ̆t Ƀan B.

          - Đơ̆ng 18 truh 24 khei: Ƀet bơ̆ng lĕch pơxrei rubella, ƀet bơ̆ng jĭ krŏk, hiĕn hrek, jĭ hrŭt hơkâu.

          - Drăkăn oei hơnăp ƀet bơ̆ng jĭ hrŭt hơkâu.

          Khei năr truh, khei năr ƀet bơ̆ng vaccine bơ̆ng jĭ nai đei tơmơ̆t lơ̆m Tơdrong ƀet bơ̆ng jĭ pơih xă noh:

          - Hơ-ioh hơla dăh mă kơpal kơ 1 xơnăm: Ƀet bơ̆ng jĭ rơven 'măng mă 2 (vaccine âu pơtoi ưh đei iŏk jên hăm hơ-ioh đơ̆ng 9 khei).

          - Hơ-ioh 7 xơnăm tơ̆ tơring ƀônh ƀơm jĭ: Ƀet bơ̆ng jĭ krŏk, jĭ hrŭt hơkâu kiơ̆ pơkăl đơ̆ng tơring.

          - Hơ-ioh tơ̆ hơla 1 xơnăm huch vaccine Rota.

          Dôm vaccine đei pơtruh kiơ̆ pơkăp đơ̆ng Anih jang Vei lăng jơhngơ̆m jăn, vei lăng pơgang apŭng plenh teh, Jơnŭm jang tơgŭm yua vaccine kơ Anih tơm jang Vei lăng jơhngơ̆m jăn, vei lăng pơgang, tơdrong hơbuh đơ̆ng pơrang jĭ tơpoh tơ̆  Việt Nam.