Tơ̆ jơ pơma đam, ƀok Nay Phi La, Kơdră Anih vei lăng jang pơgang dêh char Đắk Lắk ăn tơbăt, hăm tơdrong adrin đơ̆ng khul kơdră chĕp kơ̆l, kăn ƀô̆, bơngai jang dôm sơnăm âu ki, anih jang pơgang Đắk Lắk hlôi jang đei lơ tơdrong đei pơjao, vang tơgop vei lăng ‘lơ̆ng jơhngâm pran ăn kon pơlei lơ̆m dêh char.
Truh dang ei, đĭ đăng xăh, phường, thĭ trơ̆n đei hnam pơgang; 97% hnam pơgang đei ƀak si bơ̆ jang, đĭ đăng hnam pơgang đei kơmăy tinh chô̆ mang păng iŏk yoa lơ trong vei lăng jang pơgang. Kơsô̆ bơngai đei the khăm hơmet jĭ hlŏh 92%. Hơdai hăm dôm tơdrong jang đei, dôm sơnăm âu ki, anih jang pơgang dêh char Đắk Lắk kŭm tơƀâp lơ tơdrong pơmat tat găh pơgang, tơmam vă khăm hơmet jĭ oei kơmăh; khul bơngai jang oei tam mă pơm lăp hăm tơdrong ‘mĕh vă, mă loi jĭ tơdrong ưh kơmăh ƀak si rơgei, đei hŏk jrŭ.
Viết bình luận