Ƀak sih Trần Duy Dũng, Phŏ Kơdră pơgơ̆r Hnam pơgang tơm dêh char Đăk Nông ăn tơbăt, tơdrong ưh kơ mah tơmam drăm hơmet jĭ jăn tơ̆ hnam pơgang đei ƀôh đơ̆ng sơnăm 2022 truh dang ei. Lơ̆m noh, găng ti tong pơgang, đing ƀet sirŭm, săng pah, pơgang tep... jing dôm tơmam hơnơ̆ng ưh kơ mah.

Gah tơdrong tơm pơm đei ưh kơ mah âu, ƀak sih Dũng ăn tơbăt, kơyuơ tơdrong răt tơmơ̆t oei lơ tơsŭl tơsăl păng đei hơnơ̆ng đơ̆ng rŏng kơ 'măng jĭ Covid-19 hơbuh hli noh ki. Sơnăm 2022, hnam pơgang pơgơ̆r 15 'măng răt tơmam drăm hơmet jĭ jăn hăm kơjă truh 38 tih hlj, mă lei đei 5 'măng đĕch đei răt keh kong hăm kơjă jên pơhlom 10 tih hlj. Kơyuơ noh, ƀak sih Trần Duy Dũng pơtruh nơ̆r hăm Anih jang Pơgang Hơmet jĭ jăn dêh char Đăk Nông pơgơ̆r chă răt akŏm, kiơ̆ đơ̆ng noh vă da ƀiơ̆ hrat ăn kăn ƀô̆, bơngai jang tơ̆ dôm anih hơmet jĭ jăn.