Pơgê ‘năr 11/1, oh Siu N (rơnĕh sơnăm 2013, tơ̆ plei Tào Roong, xăh Ia Pal, apŭng Chư Sê lŏng, ƀuh xa kit drŏk hăm 2 ‘nu oh sư ‘nŏh Siu H, rơnĕh sơnăm 2020 păng Siu T, rơnĕh sơnăm 2018. Truh 11 jơ 1 puăt lơ̆m năr, unh hnam ƀôh đe mon ƀich kơtă tơ̆ hơnă hnam, yô tĭ kơtă, pă hơdơ̆r kiơ kơna hăt hot chơ năm tơ̆ Hnam pơgang Chư Sê vă hơmet.
Ƀât mât tơ̆ hnam pơgang kơplăh 12 jơ lơ̆m năr, oh Siu N pă gơ̆h dui jơhngâm bơih păng lôch đơ̆ng rŏng kơ ‘nŏh, đei unh hnam chơ brŏk. Oh Siu H chơ tơ̆ hnam pơgang bơvơ soai hăk, lĕch đak hai hơnơ̆ng, plei nuih tơtĕh hrĕnh, măch ưh kơjăng, khăm hơlen băt ƀôh ƀơm pơnhŭl đơ̆ng xa kit drŏk. Rok trong chơ năm tơ̆ hnam pơgang kơpal, Siu H kơtĕch jơhngâm lôch. Oh Siu T đei khăm hơlen ƀơm pơnhŭl đơ̆ng xa kit drŏk lăp ai mơ̆n, dang ei oei hơmet tôch pơneh tơ̆ Khoa chă jơhngâm – Hnam pơgang hơmet jĭ ăn hơioh Gia Lai./.
Viết bình luận