Tơdrong jĭ au tŏk bŏk tơpoh kơtang, mă kăl rim hnam trương jăl kơđeh păng jăl ƀar. Hrei au, rim hnam trương tơ̆ Gia Lai tok bŏk akŏm pơtho tơbăt ăn hŏk tro păng mĕ ƀă hŏk tro găh tang găn tơdrong jĭ au.

Thạc si, ƀak si chuyên khoa mắt Vũ Phương Việt Hằng- hơnih tơm dăr lăng hơlen jĭ jăn dêh char Gia Lai tơbăt: hmă hmă jĭ măt ƀrê đơ̆ng jĭ ‘măng blŭng truh klăih ‘noh đunh lơ̆m 1 giĕng. Tơdăh hŏk tro hŏk tơ̆ hnam lơ̆m khei năr au lei tơdrong jĭ au dă ƀiơ̆ chă tơpoh hloh. Mă đơ̆ng tơdrong jĭ au ưh kơ gan hơmơt tơt ră, mă lei mĕ ƀa hŏk tro jei kăl pơm kiơ̆ nơ̆r pơtho ming hơmet jĭ đơ̆ng rim hnam pơgang pơtho ăn.