Kiơ̆ đơ̆ng Hơnih bơ̆ jang dăr lăng hơlen jĭ jăn dêh char Gia Lai, jĭ pơlŏ lĕch đe hlôi pơrăm kơtang tơ̆ pơđĭ 17 apŭng, thĭ xah, pơlei tơm hăm 732 ‘nu bơngai jĭ, tŏk 2,4 ‘măng pơtêng hăm dôm khei au sơnăm sơ̆.

Rim apŭng đei măt bơngai jĭ lơ ‘nŏh Krông Pa, Ayun Pa, Ia Pa păng pơlei tơm Pleiku. Jei kiơ̆ đơ̆ng Hơnih bơ̆ jang pơgang dêh char Gia Lai, pơlŏ lĕch đe gô hơnơ̆ng tơpoh sa roi kơtang mư̆h truh đei ‘mi jrăh, teh ju kơtang gô pơm ăn klanh, siso chek lar char lơ. Kơ yuơ lơ loh, atŭm hăm tơdrong hơdrin đĭ ai đơ̆ng Hơnih bơ̆ jang pơgang ‘nŏh tơdrong kăl hloh vă tang găn kĕ lei pơđĭ kon pơlei vang kơchăng jang kiơ̆ kơjăp lơ̆m tang găn hơlau tơdrong jĭ pơlŏ lĕch đe.