Bơngai lôch Siu K (rơneh sơnăm 1991, oei tơ̆ plei Phăm Kleo Ngol, xăh Bar Măih, apŭng Chư Sê). Kiơ̆ nơ̆r bơngai lơ̆m ŭnh hnam sư tơroi, đunh kơ âu dang 1 khei, K tŏk bŏk năm đei tơdrong đơ̆ng plei Phăm Klăh (xăh Bar Măih) brŏk tơ̆ hnam ‘noh đei 1 pôm kŏ kơdâu kư̆ kă tơ̆ trong kăp tơ̆ jơ̆ng păih ‘ma đei rơka jrŭ, lĕch pham lơ.

Sư đei bơngai ŭnh hnam chơ ba truh tơ̆ hơnih jang pơgang kơdih tơ̆ xăh Bờ Ngoong (apŭng Chư Sê) vă ôp hơmet rơka păng đei ƀet 1 jrŭm pơgang (ưh kơ băt pơgang kiơ). Đơ̆ng rŏng ‘noh bơngai jĭ đei pơtho tơƀôh năm ƀet bơ̆ng jĭ vơnh mă lei ưh kơ đei pơm kiơ̆. Pơgê 10/12, ŭnh hnam ba bơngai jĭ truh khăm tơ̆ Khoa Cấp cứu (Hnam pơgang Đa khoa dêh char) păng đei hơlen lăng jĭ vơnh iung ranh. ‘Năr 11/12, bơngai jĭ lôch tơ̆ hnam.